轉刊潘科元老師的文章。我有 kā 其中漢字調整，盡量使用教育部公告台語標準漢字。排版方面，嘛調整做有咧看我的文章的朋友較慣勢的排版。對潘老師真歹勢。潘老師的文章，原文 tī 遮。

轉載潘科元老師的文章。其中漢字稍事調整，盡可能使用教育部公告台語標準漢字。排版方面，也微調成收看在下文章的朋友習慣的版面。敬請潘老師見諒。潘老師文章的原文，請參閱此處。

（台語）

今仔，讀著法國哲學家 Derrida 咧講「語言」的文章。伊講，咱人的性命，講落到地，tō 是「位遮去遐」；語言，tō 敢若𤆬（tshuā）咱位遮去遐的器具。不而過，語言本體毋是圓-lìn-lìn，攏無缺角（khih-kak）。「位遮去遐」，講了真簡單；事實缺角的語言 hōo 咱永遠去袂到位。毋通袂記得，咱人「位遮去遐」的向望原在；語言相-siāng，直直欲位「缺角」向「圓-lìn-lìn」去。

我來想著潘科元老師的文章：

大樓、百貨公司的流籠（liû-lông）咧欲關起來矣，咱較慢到，出聲叫內底的人等咱，這種都合（too-ha̍p），日語講「ちょっと待って」；華語講「等一下」；台語講「慢且」（bān-tshiánn）。

這个「慢且」，就是中文「且慢」，但是「且慢」tī 華語已經變做古典用詞，日常生活罕得用。台語嘛有「且慢」，嘛是佇傳統戲劇較有咧用，有兩種呼音，一種是唸台語文言音 tshiánn-bān，一種是學古早官話，唸做 tshe9-bān。

台 語日常話「慢且」，呼音有幾種變體：bān-tshiánn、bān-tsiah、bān-tshiannh。最後這種是阮細漢學著的，敢像是前兩種的 「混合體」，毋過，嘛有可能是第一種 tshiánn 的音，對高降調弱化變成中降調的結果，因為無佇七个主聲調在內，聽起來佮 -h第四聲差不多。

這幾年仔，我 hōo 華語拖倕（thua-thuī)著，愈來愈捷（tsia̍p）講「等一下」（tán--tsi̍t-ē），煞無講「慢且」。親像「排列」（pâi-lia̍t）嘛是，煞改講華語式的「排隊」。

規个社會攏放捒家己的南方文化，咧順趁（sūn-thàn）「北仔氣」（pak-á-khuì），連阮這種人嘛袂免得。

像頭前所講的「流籠」還（huān）「溜籠」。「電梯」還「電梯」。「電梯」是「電動樓梯」，真正有看著一坎（khám）一坎的樓梯，彼種才是「電梯」。但是華語毋是按呢用，怹「電梯」叫做「電扶梯」，「流籠」叫做「電梯」。咱 tsi̍t-má攏學伊，將「流籠」改叫電梯，拄著真正有坎仔的「電梯」煞無話通叫，抑是嘛叫「電梯」，煞袂曉分去。

語言會演化（親像「流籠」本來是用人工拖動，卡捷用佇山頂的運搬設備），我毋是主張一切攏愛復古的保守派，但是咱的語言愈變煞愈歹用、語詞愈少，按呢伊就的確會死去，咱著愛大力拍救（phah-kiù）。

我引潘老師的文章，上要緊毋是干焦（kan-nā）知捌「elevator」台語號做「流籠」；是欲傳播「位遮去遐」的向望，位「缺角」的台語，去「圓-lìn-lìn」的台語。較捷寫、較捷讀，自然學著愈來愈濟語詞；有咧寫，有咧讀，有咧使用，有咧思想怎樣使用，咱的語言 tō 永遠活跳跳，永遠 tī 「位遮去遐」的路上，永遠有向望。

逐家互相勉勵。

（北京語）

今天，讀了法國哲學家德希達討論「語言」的文章。德希達說，人的生命，說穿了，不過就是「從此岸去彼岸」；而語言，有如帶我們從此岸去彼岸的工具。不過，語言自身並不是圓滿無瑕。「從此岸去彼岸」說來簡單，實際上，有瑕疵的語言會令我們永遠無法抵達。卻也不要忘記了，吾人「從此岸去彼岸」的盼望，也會令語言從「瑕疵」向「圓滿」不斷進發。

我所以想到潘老師的文章：

大樓、百貨公司的升降梯（台語叫「流籠」）門要關了。我遲了還沒進去，喊電梯裡的人，要他們等等。這樣的情形，日語會說「ちょっと待って」，北京話會說「等一下」，台語說「慢且」（bān-tshiánn）。

「慢且」，就是北京話的「且慢」。但是，且慢在北京語中已變做古典用語，日常生活較少用。台語也有「且慢」，一樣在傳統戲曲中較常用。有兩種讀音，一種以台語文讀讀做 tshiánn-bān，一種模擬昔時官話，讀做 tshe9-bān。

台語日常用語「慢且」，讀音有幾種變體：bān-tshiánn、bān-tsiah、bān-tshiannh。最後一種是我小時候學到的，好像是前兩種讀音的「混合體」。不過，也有可能是第一種 tshiánn 的音，從高降調弱化變成中降調的結果，因為不在七個主聲調內，聽起來和-h的第四聲差不多。

這幾年，我被北京語拖累，越來越常說「等一下」，台語的「慢且」竟少說了。就像台語的「排列」一樣，也改說北京語的「排隊」。

整個社會，放棄了自己的南方文化，順從「北方口音」。連我這樣的人也不能免。

回到剛剛說的，「升降梯」是「升降梯」。「電梯」是「電梯」。「電梯」是「電動樓梯」；一階一階的那種，叫做「電梯」。不過北京語不完全這樣用。北京語把 「電梯」叫做「電扶梯」，「升降梯」叫做「電梯」。現時我們也效法北京語，把「升降梯」叫做「電梯」。遇上真正一階一階的「電動樓梯」，便沒有可對應的語 詞了。索性也叫它「電梯」。於是「電梯」、「電梯」，傻傻分不清楚。

語言，是會演化的。（就像「流籠」，原本是靠人力拉動，常用於山地的傳送設備）我並不是主張一切復古的保守派。但是，我們的語言愈來愈難用，語詞愈來愈少，長此以往，她就真的會死亡。吾人當全力搶救！

我引用潘老師的文章，重點不只是學到升降梯台語叫做「流籠」；而是傳播「從此岸去彼岸」的盼望，從台語的「缺憾」，去向台語的「圓滿」。常常寫、常常讀，自然會學到愈來愈多語詞。有在寫、有在讀、有在使用、有在思索使用的法門，我們的語言也就永遠生猛活潑，永遠在「從此岸去彼岸」的道路上，永遠有盼望。

共勉之。