這是我到今上長个一篇hò-lo語作品。為著予hò-lo話較無輾轉个朋友好勢讀，我kā北京語插佇逐節（tsat）中央。

（這是目前為止，我最長的一篇福佬語作品。為使並不那麼熟悉福佬語的朋友容易閱讀，我將北京語穿插在各段落中間。）

〈正文〉

我較早佇誠品冊店食頭路。我上班个分店，逐年參加台北國際書展。展覽期間，我每日透早tō去佇會場。彼tsūn人客猶未入來，我tō趁時間佇遐（hiah）看冊。

（我從前在誠品工作。所屬的分店，每年參加台北國際書展。展覽期間，我每天早早去到會場。那時讀者尚未入場，我便偷閒看書。）

有一日，去看著一本囡仔冊（gín-á-tsheh）。規本金鑠鑠。kā掀開，一頁一幅（pak）圖，畫kah若相片，下跤（ē-kha）一兩句仔話。冊中人敢若（kán-ná）用一幅一幅圖、一句一句話，teh講in阿公个故事。

（有一天，看見一本童書。金色裝幀。翻開一看，一頁有一幅圖，一似照片。下頭寥寥數語。書中人好似用一幅一幅圖畫、一句一句話語，講述他祖父的故事。）

伊講in阿公少年時，孤單一个人去到美國走傱（tsáu-tsông）。看大海、看城都、看無邊个原野；流浪過濟濟所在，拄（tú）著濟濟無仝族群个人。倒轉去故鄉娶某了後，閣kā新娘仔𤆬（tshuā）去美國。翁仔某兩人生一个查某囡仔，佇美國成家立業。囡仔大漢，冊中人in阿公日思夜夢suah攏是故鄉。

（他說，祖父少年時，孤身去到美國遊歷。看大海，看城市，看一望無際的原野；流浪過許多地方，會見許多不同族裔的人種。祖父回到故鄉娶妻，將新婚的妻帶往美國。兩人生下女兒，在美國成家立業。孩子長大了，書中人的祖父日夜思念起故鄉。）

袂堪日夜數念（siàu-liām），in阿公將規家伙仔𤆬倒轉去故鄉。

（不堪日夜想念，他的祖父帶著全家返鄉。）

冊中人就按呢（án-ne）佇原鄉成長。過程中，伊發覺著in阿公不時懷念伊佇美國个生活，不時teh講想欲閣（koh）去美國四界看覓。未去進前，二次大戰來爆發，較（khah）無幾年，in阿公suah來過身ì。

（書中人於是在原鄉成人。成長期間，他發現祖父不時懷念在美國的生活，不時說，多麼想再返美國四處遊覽。還未出發，二次大戰爆發；不出幾年，祖父過世了。）

等候伊大漢，嘛離開故鄉，四方遊覽，看in阿公所看過大大大个世界。伊體會著，這世人个路途，敢若分兩爿（pîng）。一爿故鄉，一爿他鄉，中央隔著飄浪；佇這爿數念彼爿，佇彼爿懷想這爿。伊講：

（等他長成，也離鄉背井，四處遊歷，遍歷祖父曾看過的廣袤世界。他體會到，他的生涯，彷彿分作兩半。一半是故鄉，一半是他鄉，中間以浪遊間隔。在他鄉思念故鄉，在故鄉懷想他鄉。他說：）

「tsit-má我已經會當（ē-tàng）瞭解阮阿公个心情。我足數念伊。」

（「現在，我已能夠體會祖父的心境。而我多麼思念他！」）

一leh看著這兩句話，我个目屎連鞭（liâm-mi）輾（liàn）落來。

（一讀到這兩句話，我隨即流下眼淚。）

彼本冊號做《Grandfather’sJourney》（阿公个走傱），作者是日本裔个AllenSay。彼當時，我並無理解家己是án-ná會遐爾仔（hiah-nī-á）激動。毋過（m-koh），頂pái出國，我kā彼本冊嘛紮（tsah）ì美國；提醒家己，飄浪閣較遠，我嘛欲轉去故鄉。

（那本書叫做《Grandfather’sJourney》（祖父的旅程），作者是日裔的Allen Say。當時，我並不清楚自己何以會那樣激動。不過，上一次出國求學，我將那本書帶到美國；藉以提醒自己，流浪得再遠，我也要回家！）

我真正轉來啊。轉來了後，我也體會著，我參（tsham）Allen Say佮in阿公無仝。我轉來台灣，並無懷念曾蹛（tuà）過个New York。

（我的確回家了。回來以後，我也體會到，我和Allen Say以及他的祖父並不同。我回到台灣，並不懷念曾經客居的紐約。）

若按呢，彼tsūn个目屎位佗位（tó-uī）來咧？

（那麼，那時的眼淚何所為而來呢？）

昨ng，我閣提彼本冊來讀。篤篤仔（tàu-tàu-á）kā讀，斟酌（tsim-tsiok）kā讀。掀kah上落尾，看著彼兩句話，目箍（ba̍k-khoo）隨閣紅。這pái，我聽著心肝頭teh吼：

（昨天，我再次讀那本書。緩慢地、仔細地讀。翻開最後一頁，看見那兩句話，隨即又紅了眼眶。這次，我聽見心裡的嗚咽：）

「我足數念阮阿嬤⋯」

（我多麼思念我的祖母⋯）

Allen Say講：「tsit-má我已經會當瞭解阮阿公个心情。我足數念伊。」我出世進前，阮阿公就過身ì，我未赴（buē-hù）kā瞭解。我hò-lo話會輾轉（liàn-tńg）進前，阮阿嬤就過身ì，我未赴予伊瞭解。我申請著博士班進前群仔年，阮大伯就過身ì；伊上愛我gâu讀冊，我suah未赴予知。

（Allen Say說：「現在，我已能夠體會祖父的心境。而我多麼思念他！」我出生以前，祖父已經過世，我來不及體會他。我能夠流利底使用福佬話以前，祖母已經過世，我來不及為她所體會。我申請到博士班的數年前，我的大伯已經過世；大伯總會為我學業表現優異而歡欣，而我竟來不及告知他這消息。）

tsit-má，我已經會當瞭解家己个心情。我足數念我未赴好好kā奉待个親人。

（現在，我已能夠體會自己的心境：我多麼思念我未及侍奉的尊親們⋯）