打完俾佢 冇反應又唔出聲諗住佢瞓返

點知唔夠十分鐘 佢就叮返嚟…

‘你宜家好開啦 俾你嘈醒瞓唔返…’

又係我唔啱囉~我諗住佢出聲我就出去陪佢

又唔講 淨係話好精神 問佢去邊又唔講

話一個人去行吓喎~

唉…我都唔知擔心佢咩 總之好想見佢陪住佢…

所以我就九秒九飛車去佢嗰頭

佢居然話未出去 我真係好似俾人耍咗咁

算 一人一鑊打平 咁佢落到嚟啲態度都唔係話太好

去買粥同beer坐媽閣 我本來諗住咁嘅鐘數

等天光返工 但係佢又唔出聲 坐吓坐吓

好眼瞓>.<咁無聊就問咗佢啲認真嘢

雖然佢冇直接答我 因為全部俾我講中晒

係一啲佢一直都唔想面對嘅嘢

就係我有冇機 同埋有冇諗過放低佢

算啦~之後佢又撩我啦 我可以當係玩

但係會唔會過火咗啲呢~?

咁都開始攰啦 就去咗佢home hea到返工...

唉~其實唔係咁好玩ga ja= =

之後挨到收工揾佢 應該仲瞓緊

so 我都返去瞓吓先lu~

六點幾個舊同事Giles打嚟

七點去八佰伴食嘢...

咁我順手車埋我老爸去假日就去

食完又食糖水咁啦~

到九點幾完塲打俾佢

話出嚟 咁揾地方hea囉

去咗呢排去開嗰個有厠所半山公園

佢又係怪怪哋 開頭又唔出聲

之後講啲無謂嘢 最後喺我極力氹佢之後好返啲

咁諗唔到去邊 打吓俾佢愛人囉

其實佢都話唔想去ga 係我迫佢嘅

去到我先好後悔...佢又係咁

視線唔肯離開佢 之後仲要咬耳仔

其實我都預咗 只係唔想啫

真係唔應該嚟...走嗰陣

新歡wing咗 愛人陪佢

都搞到三四點ga la

我又要奉旨車佢走

佢好少可咁問我做咩?係咪唔開心...

盲嘅都睇到啦好無?!

我好婉轉咁答咗佢之後走

佢又話想我陪佢...= =||

我一定唔會say no ga la對住佢

咁又天光嘞~食埋早餐七點到

好彩~返四點...