Bonjour! Paris

係完結工作一直到出發只有兩日半既執野時間,

臨出發上船前都仲係度買緊野同換緊錢,

呢趟旅程真係有夠急趕,

感謝黎送船及送上祝福既大家, 我會係巴黎呢度好好努力既, 追求夢想~

旅程既出發都遇上不少好事, 係上船個陣嘗試打俾機場接送人,

結果打通仲send埋email安排好接機既事, 感恩~

而係香港機場都有好人哥哥幫手搬左行李, 感恩~

行李一件過重一件唔夠重, 移形換影後也成功了~

臨上機前再享受一杯Starbuck既green tea latte~正!

今次搭乘荷蘭航空既感覺都挺不錯, 只係上機半夜1點仲要食個餐先訓有點怪,

而半夜紮醒都有人遞包零食過黎, 總之就唔愁無野食~

係荷蘭Amerstam機場轉機感覺都不錯~

只係一上機就話法國個邊XX罷工所以要延飛~好彩只係25分鐘,

而且班機都唔係延左好耐~同預定時間無差太多~

係機場等左一陣接機人出現~感恩~

一路上順便問下有關巴黎既事, 佢話最近都接左幾個都係藍帶既學生,

OH, 睇黎真係會有好多同伴咁喎~

但呢兩日巴黎一直落雨真係好煩,

終於到今日放晴真係感恩~

呢幾日既行程都係係屋企附近閒逛, 慢慢認熟D路~

同埋發掘最低價超市, 實行食平D精神~

巴黎超市超多牛油, 乳酪, 芝士, Cream, 牛奶, 生熟火腿既野,

本來我都唔多沉迷係軟質芝士(搽麵包或餅乾用), 但係飛機拎左一小塊,

就忍唔住食晒成塊, 原來想分兩餐的說, 哈~

今日係超市見到有平既都買左~番去可慢慢搽~

另外超市有好多冷凍食品, 如意大利雲吞, pizza等~全部可以用焗爐或微波爐煮食~方便~

最愛就係蔬菜同生果檔~另又有平方包, 意粉醬等等~

之前淨係搵到Monop, Monoprix, Picard, Franprix等等,

今日發現既Leader prix真係王道,

大部分佢地自家既野真係平過其他超市好多~而且選擇超多!

有個頭咁大既生菜都係99cents, 最衰尋日已買左包裝既又未開, 如果唔係實買,

仲有見到火腿1包10塊都平過尋日既.........

而今日係Carrefour都發現有99cents一袋紅椒加青椒, 都OK喇~

又有99cents既西蘭花, 前日買左未食晒, 之後再黎買~

總括而言, 就係要貨比三家~先可以做到食平D!

黎緊要試下向肉類挑戰, 好多時我都睇唔明究竟係咩部位~

牛肉我就一般, 唔會太想食, 豬都還好, 但雞肉就想多了解下,

今日見到Lapin既凍肉, 唔係雞, 唔係鴨, 唔係羊, 我醒起, 係兔肉......









而本人真係超愛呢種超市血拼車~拉住好似放狗咁~

基於外食實在太貴, 就算買個普通既Quinche, pizza都要2.5歐起,

而華人快餐店至少5.5歐, 莫講話法式餐館就8~10幾歐既消費,

我至今都未係出面食過, 就算自己煮得唔多好味, 都總好過出面食~

順便當練習下做煮婦生活, 反正每日時間多的是, 可以悠閒一點~

今日特登去學校度行下, 聽日開學真係既緊張又興奮, 希望一切順利~

另外就係宿舍既人都好NICE, 其實真係好想繼續住落去, 租金又平, 環境乾淨,

D人又好相處, 雖然大家都講法文, 我又聽唔明, 但大家都好就我,

修女仲搵人幫我用英文介紹環境, 又幫我搞好床舖既野,

我都盡量講多D法文練習~

感謝大家~

Bonjour!

Merci beaucoup!

**其實剛到步真係好唔慣, 又掛住澳門既大家, 無人同我講野, 好寂寞,

呢D就係我放棄一切黎到呢度, 想要過既生活嘛?

但係散步時就慢慢吹散呢D諗法, 我要為自己既決定負責,

追求夢想既路本來唔容易! 法文我一定要搞掂你!

另封面圖其實係荷蘭機場, 巴黎機場一落機唔使過海關直接攞行李真係無咩好影~