原來我又荒廢左個站台好幾個月喇~

自從實習開始簡直每日都無停過咁, 一直到12/30號終於完結左~

呢半年既時間真係好開心, 雖然唔可以話學到好高層次好深入既technique,

但係可以見識到餅房既工作, 大量既製作亦增加練習既機會,

而且最重要係識到一班好同事~令到呢半年都好開心~

尋晚仲有緣到偶遇一直食飯吹水講是非, 好開心~

人生總要相信一點緣分吧~

本來唔係好重視既實習, 越做越唔捨得, 加班加得好高興,

學得好痛苦既法文仲掙扎要唔要上下一級既時候, 竟然開唔成班,

原來想放棄既進修, 偏偏又再給我一次機會,

我其實已經為自己做好心理輔導,

但可能係個天聽到我內心掙扎既聲音,

依然踟躕不前, 我其實對自己好失望, 搞到自己精神緊張, 真的懷念過往的自己.

感情方面, 係時候要open自己, 我為自己訂左個plan叫做盛女愛集郵,

假設我要識到10個男仔先會搵到一個自己鐘意既,

咁我當下要做既就係走出個圈圈積極去識下人先~

感謝身邊好友鼎力相助~

雖然我內心仲係會有點唔慣唔好意思, 但我會努力克服,

應該同interview差不多~relax~

倘若10個後發現自己都係鐘情西人咁就無計, hehe^^

話說前兩日睇到本食譜書, 忍唔住睇左好耐,

重點唔係食譜, 而係個意大利廚師, 好靚仔!!真係俾佢電親, 點解可以咁有魅力架?!

食譜都唔錯, 因為佢盡量採用本地易買到既材料, 步驟亦唔會好難~貼心!

希望2013會係一個好開始, 重新出發!

希望我可以盡快搞清楚自己, 好好把握每一個緣分和機會!