六月過左一半喇~

IFT既課程尋日正式結束左, 課程結束係另一個階段既開始, 實習!

等左兩個禮拜, 沮喪左好幾日既我, 亦都係課程結束當日收到文華東方既OFFER~

講真丫, 如果佢早d通知我會高興d, 等左差不多兩個禮拜,

我仲好膽粗咁主動打去問, 都係無咩結果~

然後一直重覆諗起面試既情境, reject既理由, 一大堆野令到心情由谷峰碌落谷底,

finally, 收到電話個刻已經無晒當初喜悅~只有鬆口氣搞掂左既feel~

係咪我自己諗太多呢?

好吧, 承認自己真係好平庸~

係埋頭自擾既時候, 領悟到搵工真係唔能夠搵一份, 好彩唔係等住佢開飯,

同埋幾有信心既interview都不能太老定, 因為reject既理由自己都講俾人聽都唔少喇~

有時真係要痛擊自己, 適時打醒自己~~因為太愛發夢令到個人面對殘酷現實時好脆弱~

工作上人事變動, 總是需要時間去適應, Be positive!

同事話佢要將問題逐件逐解決,

每個人都有佢既煩惱, 一直掉埋一邊唔理, 都唔會消失,

好似打機咁, 逐個逐個去對戰, Fight底佢!

一次ko唔到都要再接再厲~

我給了自己一個課題: 享受人生~

有朋友聽到覺得好不可思議咁, 好似我每日都過得好辛苦~

以前讀書同依家番工, 不時會有種感覺, 重覆!

每日重覆著起身, 梳洗, 早餐, 換衫, 逼巴士, 開工, 午餐, 開工, 偷懶, 放工, 番學, 返家, 睇電視, 食生果, 沖涼, 訓覺~

很普通, 差不多, 都係咁, 然後, 一天過去, 一星期過去, 一個月過去, 三個月過去, 半年, 一年.....

WTF!

有時會嘗試改變心態, 但當energy榨乾後, 只能係巴士上空白地發呆, 搖晃~

將鬱悶心情寄託係食物上也不錯,

今朝本來想出去跑步, 點知落雨, 中午就整份憤怒蕃茄煙肉筆管麵~

憤怒意思係spicy!

食完個胃好暖~wow~