係澳門, 食過美式, 美心, 聖安娜, 馬里奧, 聖蘭, 金獅, 東望洋, 麗晶既菠蘿包,

最鐘意既就係美式菠蘿包, 菠蘿皮好酥脆, 個包都夠實在~價錢又夠平~食一個當早餐就滿足!

其他既我覺得一係個皮太軟, 一係個包太扁OR太乾硬~

港澳人士對菠蘿包應該都有一種情意吧~

由細到大, 總會食到一個半個,

因為佢係好簡單又好普遍既麵包, 基本上間間包店都有~

台灣都有賣菠蘿包, 不過同港式既好唔同, 佢地既菠蘿皮偏軟同埋菠蘿紋路係用一個模型壓出黎既, 而港式既就加左臭粉SO會產生較自然既裂紋~

我好想做道地既港式菠蘿皮, 不過睇過人地既配方都係要加豬油先夠香脆~

SO都係打消念頭, 做埋老師教既台式菠蘿包~

不過就調控下D粉既比例去調節個脆硬度~

今次都係用中種法, 發好左既麵團再和合主麵團一齊打~

日本麵粉真係幾不錯, 一住打既時候感覺到麵團係濕潤既~

加左牛油再繼續打多陣~手動打真係好累, 我打到個麵團企身D先停手~

其實我覺得下次真係唔好打咁耐, 控制甩打時間係20分鐘內完成!

接著就中間發酵, 再分割排氣滾圓再靜置~

呢段時間就整菠蘿皮~

今次我將高低粉既份量同上次調轉~

低粉40G, 高粉20G, 不過成型既時候太黏手, SO再加多一大匙既高粉先可以成團~

應該同用中筋差唔多LU~不過都因為咁拖慢左~

SO下次都係整定個菠蘿皮先~

接著再將麵團滾圓, 包上菠蘿皮再劃花紋等佢最終發酵再拎去焗~

今次有好好顧爐火, SO成品上色都不錯~剛出爐超好味!

麵包一住焗都好香~食落會有牛油味~好滿足~

不過都係唔可以擺太多日~始終都係會老化左變結實~

做左三日早餐, 尋日仲一日食左兩個~

食之前一定要焗番佢等佢回軟D同埋令個菠蘿皮鬆脆番~

今次個菠蘿皮我覺得軟左D~下次都係用番高粉去做~

真係要實驗多幾次先知點先做到心目中的菠蘿包~

TRY MORE! LEARN MORE!