對奶酥既記憶，都係師大既車輪餅~~奶油同奶酥都好味~~上次番去食唔到添> <

澳門好似唔係叫奶酥吧~~應該係雞尾包入面既餡~BUT入面唔係椰味既~

禮拜三端午節真係難得既假期，由於哈斯麵包令人太興奮~

SO又忍唔住整個奶酥麵包~都係用直接湯種法, 加埋我舊老麵~

呢個方法真係不錯, 唔會好黏手~好快成團~

湯種今次用水唔用鮮奶~~查實湯種都幾不錯~煮一煮就OK~中種要等好一陣子~

跟住就開始甩打MODE~~都真係頗累~

麵團既延展性唔係太好~~但要打到光滑都唔會好辛苦~

接著加左牛油落去再打, 延展性好D~每次加牛油都有說不出既感覺, 一開始油到不得了~

但之後麵團都會吸收晒~其實麵包牛油成份唔係好多~都好彩唔多, 如果唔係手斷都未打完~

打好之後就基礎發酵左1小時左右~

WOW~真係發大左好多~可能係天氣熱喇~

跟住就分割排氣再滾圓~中場休息15分鐘~直到呢個MOMENT為止都頗順利~

BUT………

我係基礎發酵既時候就準備左餡料~係奶酥餡PLUS蔓越莓(浸過酒)

其中要分享下既係牛油個度有一部分我買錯左~

Creamy Butter Spread原來係牛油醬哦! 質地較軟滑, 奶味好香, 好易溶咁~即係平時搽麵包既~ 但係買佢個陣見佢一舊固體咁就唔覺意買左~~下次要小心D~

我媽咪話唔緊要, 用黎煮餸LOR~~真好~~

MAYBE有D野都可以用佢黎整既~~發掘下先~

原來我好耐未做過要咁樣包餡既麵包~~

SO本來要整五個既, 點知第一個都係失敗左~~其他個D都唔係包得好好~~

超雞手鴨腳~~勁苦惱~~~~真係太耐無包喇~~

包餡要勁小心既係D餡好軟身又油膩, 係麵團收口既地方如果沾到油會好難收口~

IF擠壓太用力又會側面爆餡, 真係要好小心呀!!

雖則包好既時候都OK無乜野~~但係最終發酵到兩倍既時候, 就爆左D出黎喇~

值得一提既係天氣熱真係發得好快LOR!

接著掃個蛋液再灑D椰子粉就拎去焗喇~~~

一住焗都幾香~同時D餡都爆左好多~~哈哈哈~~~

真係要多多練習呀!

有時真係不能埋怨出面既麵包餡少, 人地費事爆丫嘛~~

老師既份量一個大約90G做5個~麵團大約每個係60G左右, 即係包餡係可以包到30G架~

但我諗我個D爆到淨番一半吧~哈~~真係山寨版~

同埋上色得較深~SO拍照個陣稍稍調左D光線~呵~

本來爆成咁都頗擔心~BUT食落又還好~~D莓既酒味真係不錯~

我真係想買番支MYER’S  RUM~~哈~~

肥欣係好肚餓之下幫手食左個~~~呵~~佢話好好味喎~~(←記一世)

肥欣話佢爸爸以前整雞尾包既餡好簡單, 菠蘿皮,塔皮一大堆的加落去打埋一齊就OK~

出面做生意既應該都係咁吧!~而且雞尾包偶爾食下都幾好味~

P.S 打完篇網誌, D M痛都舒緩左~~

入爐前已有點按奈不住要爆咁~

呢個造型令我諗起午餐包~~