尋日下午等麵包發既時候, 諗住搵套戲睇下~

睇黎睇去, 都係睇呢套吧~之前一直想去戲院睇但都係放棄左~

雖然依家網路上既版本仲係背景偏黑人面太白咁~但都叫做可以收貨喇~

猶記得第一集係屋企睇個陣, 睇完第一句湧上心頭係: 好彩無去戲院睇~

今次第二集睇過預告期望都大左, 因為加入左狼人呢個新元素,

點知, 睇完心頭依然係個句: 好彩無去戲院睇~

成部戲一開始同結尾都幾不錯, 中間陷入沉悶之境,

可能都係同戲情發展有關~始終都係想睇男女主角係埋一齊~~

一開始女主角既夢點醒一件事, 就係佢會變老, 而吸血鬼會一齊保持咁年青,

女主角會驚都係好正常既事, 難保佢第時老左, 見到男主角仲咁年青真係未必承受到,

所以佢自己都想變成吸血鬼~

我諗男主角覺得變成吸血鬼唔係咁簡單, so後來就走左去~

跟住狼人哥哥就出現, 點睇都唔似細過女主角lor~

重點係佢真係幾大隻下~而且到後來成日都唔著上衣show 肌肉~~勁!

小心凍親就好~

其實女主角對狼人既感情, 我唔係好明, 好多時d對白又係聽唔明既~

but我諗狼人好似一個替身咁, 令到女主角依賴佢姐~

正當男主角要去尋死既時候, 女主角係一d猶疑都無走去搵佢~

唉~~女人真係~~

但最後女主角有對狼人講我愛你, 但始終佢既選擇係男主角~always be him~

男主角最尾總算叫做番d野, 就係令女主角變成吸血鬼既唯一條件,

就係marry me~

god! 我即刻應承佢~~

哈~~

不過成部戲如果係想睇男主角既可以睇頭睇尾得~中間全部cut晒佢吧~

希望下集會再令我有去戲院睇既衝動喇~喵~