係整完個牛奶棒有點欲罷不能既狀態下~

又掙扎左好耐整呢個定整古典巧克力定整麵包好~

最尾都係想用下雪櫃既橙皮而整左呢個~

整左菠蘿之後再整古古力蛋糕~

菠蘿感覺很不錯咁~

古古力蛋糕要先溶左古古力同埋鮮奶油~好驚油水分離, so格外小心~

仲特登用左舊古古力磚~終於可以消咁d~

呢舊磚真係用左好耐咁, 每次用都切得好用力~真係好大舊~

同埋佢味道偏甜~if整布朗尼既話我會再加一d苦d既黎調和番~

但今次既蛋糕眼見可以用左一大舊, 就索性淨係用佢, 希望唔會太甜~

跟住牛油同蛋又係令我好擔心, 可能之前整奶油蛋糕油水分離, 今次又係呢個牛油加蛋既工序就會提心吊膽咁~

但今次狀態都ok~可能係牛油夠晒軟, d蛋都ok咁~

but一開始個陣控制得唔係咁好, 一大pat跌左落去,

即刻見到油水分離既影子, so立即狂打, 等佢食到落去好番好多先再加~

真係好雞心鴨腳咁~

打好晒之後加埋古古力同麵粉橙皮就可以倒模~

講起倒模, 當初老師教個陣係用矽膠模, 好似一舊舊金磚咁既~

但係我無個個模型, 又醒起呢個新買又一直無用既烤盤~

so用呢個黎焗size都幾岩~倒完古古力再倒埋菠蘿皮~

跟住就送入焗爐~

跟住清理東西個陣見到個碗仔有古古力淨左, 忍唔住食一口,

好正呀!

古古力同鮮奶油既結合, 好正~正如古古力粉要加鮮奶去沖咁~

跟住我拎d橙皮拌埋古古力吃一口, 好搭呀!

好鐘意古古力同橙皮既組合~wonderful~~

出爐等佢涼左就切開黎試食,

味道不俗~菠蘿皮一住食一住跌~哈~~但味道真係幾好~

我好鐘意既味道~

好想同大家share~

媽咪同阿哥都滿意~

今日又俾左師奶同婷婷試食, 希望佢地都鐘意喇~

唔知拎唔拎番去公司好呢~

不過有個同事放緊假~自己一個人食可以做好幾日既放工甜點~

真係好鐘意一個人坐巴士再食自己既蛋糕, 感覺就算工作幾煩好辛苦都唔記得晒~

一個人也可以享受一點小小的幸福,

雖然最想要的不在身邊,

也許不是壞事.

最近睇緊兩位大師去學廚既經歷, 好有趣~

做菜, 煮野食真係一件好幸福既事,

師奶想為左bf而學tiramisu, (佢bf真識食, 一揀就揀d工序繁複既),

如果我諗住為某人而整一個蛋糕個陣就會好緊張~

好緊張唔知邊個部驟會出錯, 又唔知d份量係咪準, 又岩唔岩人地口味咁~

今次呢個蛋糕真係無諗咁多, 純粹自己記憶中既味道好好就去整~咁樣都幾不錯~

I love baking~