不經不覺,

新聞台人數衝破左1萬大關, 個台都開左成四年有多先有咁既人數, 查實都唔係話好勁~

但係可以係呢度分享自己既烘焙作品, 電影心得, 工作發飆, 生活小瑣事咁都幾好,

我成日會睇番上年呢段日子我係度做乜呢, 開心定唔開心咁~

今日既我可以斷定人生最害怕既事之榜首係: 睇牙!

睇牙真係一件好得人驚既事, 好細個個陣去個同善堂, 黃漢明等等, 回憶都唔好,

以致我成個中學時代都無再睇過牙醫, 後來大學都係因為牙肉發炎同洗牙先睇過兩次咁大把,

but番到黎澳門睇左一次就驚足咁耐,

一直覺得自己無拿拿有隻蛀牙, 又要杜牙根, 又要整牙套, 成set做晒要成4,5千蚊, 激貴~

無左一半糧lor~shit~

so一直拖到今日, 媽咪帶我番大陸睇, 當然環境設施無澳門既咁靚,

但係醫生算係幾有經驗又幾老實, 該整先幫你整, 唔會話你唔駛整都呃下你錢咁,

重點係真係平好多添~以上所列成set做晒最貴都係6,7百咋~

醫生話我只係出智慧齒頂到前面牙肉發炎先會痛,

可以含鹽水消炎, 唔好食咁多消炎藥, 我成日都覺得痛個隻牙根本就乜事都無,

但係我真係feel到佢痛喎~真係好怪~接著佢再幫我洗下牙就好番好多~

佢仲話我d牙生得好靚, 又擦得乾淨, 係後面有隻牙有點小蛀, 只要認真刷既都唔使補~

但牙肉真係易紅腫, so唔好食咁多熱氣野同夜訓~

聽完佢講係鬆左口氣, but又有點不可思議~

我好似好耐以前都有睇過佢, 個次又係同智慧齒有關, but次次睇親佢都話無事~

希望d牙仔乖乖地喇~唔好有事呀~因為睇牙醫真係好得人驚~

岩岩同中學同學慶祝聖誕兼回歸飯聚, 咁又一年喇~

抽禮物既環節, 好熟悉~

今年抽到一個好精緻既小碗同叉子~

maybe將來有機會放個甜點係入面影影相俾大家睇下喇~

聖誕節仲未有節目添~

上年去左香港, 今年做乜好呢~喵~