以下為工作發洩文, 言詞間難免有所衝撞, 想睇就睇, 唔睇就SKIP左佢喇~

今朝一早番到公司, 枱面就擺左一封尋日特登趕起要交入政府既信件,

一般我寫好左再交俾大大去修改,

今次比較唔同既係, 封信上面釘住左一張紙,

大大今次完全係重新寫過一篇,

WHAT THE HELL!

我番到黎辦公室第一句說話就係: 白痴!  (放心, 當下辦公室無其他人)

我閱讀完佢封信既感想係, 同我個封有咩分別, 有必要咁樣做嘛?

咁你既然有自己個套做咩又要我去寫晒我時間,

佢已經唔係第一次咁樣, 所以我先咁討厭幫佢寫信,

浪費別人既人生~

難怪佢成日都話自己做到好夜,

難怪佢成日都話朝早要做既野到放工都未搞得掂,

成日係度COMPLAIN, 成日係度掛住講又唔做,

你收下聲收下火既D效率咩都出晒黎喇~

成日話我之柔, 你咁火滾都無濟於事既~

睇番D做政府工既朋友, 就真係覺得自己太無用, 又唔係差過人又唔係乜野,

點解要咁委屈受氣錢又少~轉行做SALES都蠻不錯~

日日番工望住ONE CENTRAL既LV同DIOR呢D名店, 雙眼都變金錢符號~

我諗我真係太懶喇~懶得去搵新工, 懶得去為自己既前途籌謀, 咩都唔嗲唔釣咁,

真係一如阿盈所言既磨磨蹭蹭~

最白痴的是我~