今日係某位同事既生日,

放工我地就成個部門一齊去金沙食buffet慶祝,

金沙既buffet麻麻, d野唔係好新鮮, 可以揀既款式都唔多,

有魚生同現作壽司, 但都唔太新鮮, d阿姨握既飯團都散開,

甜點算係款式幾多, 但唔多好味, 尤其有一款蕃茄凍, 真係奇妙到極致,

我好想嘔番出黎, 但我極力吞左佢, 但個陣留係口腔既味好難頂,

沙拉區同冷盤區都幾多款式, 算ok喇~

食物整體算叫做過得去喇~

成個環境氣氛都算幾好, 個場既人都唔少, ok熱鬧~

同同事告別以後,

我一個人行番去車站個度,

有個女生坐係度, 我以為佢係等車,

我無坐埋去, 就咁企埋一邊,

後來一個男仔捧住一大束花行過黎,

佢係黎接個女仔, 個女仔好開心,

後來男仔就左手捧住個束花, 右手搭係女仔膊頭到雙雙離去,

我目送住佢地既背影,

呢d咁連續劇, 肥皂劇既劇情, 通常主角先會遇到d咁既情境,

接著鏡頭會soon個特寫放大我既落寞神情,

我係我的劇集中, 是一個主角,

但那一刻, 我其實只是個路人.

我像所有天真女孩寧願相信有一束玫瑰

誰受了  誰便愛到至死都美麗

我也很想要那束玫瑰