呢篇文係真的要特別多謝兩個人,

為左我部notebook仔既事, 我唔開心都緊張左好耐,

原本請假整電腦不成, 都好灰下,

下午烚完眼訓, 抹乾淨d口水之後, 決定打俾婷婷呻下個gap人gap事,

點知臨放工個陣, 婷婷send個msg俾我, 話佢識得有個阿sir可以幫我睇下咩問題,

真係太感激佢~

上帝關左道門, 都仲係會開番個窗, 感恩~

接著第二日就趁短週bell去婷婷學校, 拎部腦俾佢,

順便參觀下學校咁喇~

個圖書館真係幾大~

難怪話可以間到四個班房,

不過平時自己一個人坐係度咁耐, 又真係悶左d~好在可以自由自在咁上網,

唔似得我份gap工, 咩都要小心翼翼,

客串一下做圖書館員盤點~

後來d學生bell番入黎, 我覺得佢地真係好年青,

唔知點解就係有呢種感覺,

佢地唔使諗好多野, 就係咁一班人嘻嘻哈哈互笑互串, 真是青春~

後來二號救星tony出現,

佢帶我去電腦室個邊開始拆開部hp,

我第一次睇住自己部hp咁樣俾人拆件, 個心都好擔心,

原來個鍵盤係可以咁樣起出黎, 勁!

再繼續鬆埋一d螺絲, 就拎左個hdd既hardisk出黎!

之後再將個hardisk插入desktop度, 將d資料copy番出黎做備份~

燒左一大輪碟~終於成功左!

雖然唔知notebook仔整唔整得番, 但至少手上個幾片光碟有番d相~

係好珍貴既08年去美國同日本既相,

我真係好開心, 好感激tony先生~大感恩!!

自從部腦壞左, 我最擔心既就係d資料會無晒,

無錯係可以拎去hp門市度整, 但人地都唔包d資料會係番晒度,

so依家呢刻拎住個三片光碟, 頓時有種安心既感覺,

真係好感謝tony~

sorry~仲搞到成點幾兩點先有得走~

後來佢再砌番d零件入去, 好厲害, 記得番晒d螺絲係邊~

再交底俾佢番去睇下d接線個度係斷左定點樣~麻煩晒喇~

希望小hp可以救得番喇~

最後還是要很感謝婷婷及tony先生!