上個禮拜參加教青局一個教學人員職位既考試,

好幸運咁過左個筆試,

誰知今日面試就仆左街喇~

其實人數唔多, 得八個人可以面試, but人數多少唔係重點,

重點係自己斤兩有幾多姐~

去到先知自己淨係帶左d証書既正本無帶到副本, shit~

跟住登記個陣先知要寫教案~

topic係肅貪倡廉~o晒嘴~30分鐘又好快咁~

其實寫得唔多, 係最後個5分鐘將d野塞晒入去就算, 很shit~

接著試教又係好鬼緊張咁,

到佢地面試又不斷圍繞住呢個topic, 坦白講, 我真係無乜諗法,

but都係狂吹水亂掰, 講到後來我都唔明佢地問乜都唔知自己答緊乜,

我只想儘快完結呢個漫長既面試~

哈~算喇~只能感慨自己與政府工無緣,

兩萬幾既教學人員真係唔易做,

希望有更適合既人可以勝任喇~

我真係搞唔明d咩公民同德育有咩分別,

都唔知可以搞d咩活動令到學生更加投入去肅貪倡廉,

真係好難~

應該唔使等結果都知喇~

好frustrate呀!!!!

好想行下街散散心, but出面天氣真係好q熱lor~

好耐未俾人面過試, 幾緊張, 真係要面得多先可以熟習~

睇完雅婷做既影片, 真係好正,

好多好多既回憶, 好開心, 好多地方好好笑,

佢地真係好有熱誠, fair的狂熱分子~

我諗呢段片俾我地個屆既人睇到都會好有共鳴~

接著我著住一身短t短褲去左水塘邊, just思考, 寫寫東西,

雨, 總係你無帶遮既時候先會落,

我堅持寫好一篇感想同埋一張明信片, 邊淋邊寫~

之後好狼狽咁跑走, 好耐未試過咁樣冒住雨係度跑,

跑到一個郵票售賣機, 按下一個5元郵票, 用口水塗在郵票背面, 貼在明信片的右上角,

咚一聲跌入空郵的郵筒, 希望我的心意可以飄洋過海到地球的另一邊.

狂奔回家~

開始擔心會否郵筒入面乜都冇先會咚一聲, 會唔會收信郵差見唔到呢張小咭片,

我好希望張明信片可以去到收件人手上,

但我知收件人最想收到的不是這張明信片,

我知道的.

我想為他做的也不只是寄這張小咭片.