愛情的差距，不是年齡，不是距離，而是心態.

愛要及時，當時間過去，愛得再深，也只是曾經

岩岩睇左一個介紹最新台劇敗犬女王既blog~

其實我未睇過呢部片, but睇完佢既介紹都幾有興趣~

愛情真係有又煩，無又煩，好多野都係timing，仲有就係性格吧~

仲可以大大聲講自己係廿幾歲既我地，

面對住好多選擇，應該慶幸自己有選擇權，選擇愛人，選擇工作，選擇生活，

到左三十幾歲既時候，我地未必擁有一樣既選擇權，尤其當我地有左家庭小孩之後，

便不能做任性的太太或任性的媽媽了～

對於愛情，我唔可以話好了解，

係呢個年紀拍拖係搵對象仲有兩個類別，

有人會搵將來可靠型，即係可以一齊生活，結婚生仔，

有人會搵現在開心型，即係可以互相安慰寂寞既生活，但唔會諗太多將來既事，

but係職場要搵第一類既人都好難,

可能都有晒女朋友或者結埋婚添~哈~

點算好呢~唯有靠single party喇!!

而我暫時黎講都唔會諗太多將來既野,

現在開心就好, 因為現在唔開心, 將來幾可靠都無用, 哈~

搵到一個同自己心態相近既人真係好難,

係忙碌既都市生活, 好難俾自己好多時間去好深入認識一個人,

亦都可以話係緣份既關係吧!

人生真係唔容易~愛情亦然~

記得以前細個成日一個人係屋企, 睇電視或者聽錄音帶故事,

我成日都聽白雪公主, 美女與野獸同埋灰姑娘既童語故事,

到左今日, 我已經唔相信有公主王子既事情,

但若果將來我有小朋友既話, 我都會俾佢地聽,

希望俾佢地一個夢~

夢醒既時候不要太錯愕, 因為這是人生, 不是童話.