last day要好好把握, 由於知道昕馨要開會, so我特登提早去學習開放空間搵佢,

but佢未番, 我等左一陣走出去, 就見到佢停車, oh~太有緣~

可惜只係匆匆而談, 我地傾左唔係好耐,

當然都係分享工作辛酸野, 工作辛酸厭煩真係講幾百次都唔厭,

學emma話齋: 講講講, 你是要講一輩子嘛?

真的可以講一輩子!

昕馨真係好親切, 同佢傾計好舒服, 同埋佢會講番好多台灣既現況,

嗯! 我地都要好好想清楚自己既路要點行~

接著我就去小福寄信打簿, 再買左支台大鮮奶~

再去小小福度買份蛋餅~

又享受一下我既美好早餐~

離開左半年其實改變既地方唔多,

但感覺有唔同左,

以前自己係學生, 依家係一個遊客既身份,

係一種回不去既感覺,

我曾經有諗過番黎讀研究所, 如今我好像不能再長駐係呢個地方,

我想去新既地方新既體驗~

匆匆而來, 匆匆而去, 差唔多係時候執野走人lu~

之前同人地一齊番我好容易遲到, 或者去到機場會好趕,

but今次我提早左出門, 坐捷運去, 拖到手好累,

but都好順利去到機場, 果然個gip真係唔係好重,

我托埋個手提, 仲有時間係機場度行黎行去買手信,

重點係痾左個靚屎, 應該係呢幾日既份量~~哈~~

番澳門既感覺又要再一次調適~

又要繼續番學面對工作,

我其實想再放耐d~

p.s, 機場冇車番屋企, 唯有坐去關閘再轉, 好彩司機叔叔俾我上咋~

maybe佢當我係大陸水客吧~哈~