呢兩日放工番黎都會俾樓下兩個靚妹仔撩,

第一日情況:

我好累地放工, 行入條巷個陣兩個靚妹奔跑中,

到我入到去想推開大門時,

兩個靚妹分別拎住玩具槍指住我: 唔好郁, 郁我就射你,

我好識趣地舉高手: 我投降

佢地: 咁好喇, 你入得去喇~~

到我入左去, 佢地話, 你小心入面有炸彈呀!!

我: 知喇~~我會小心架喇!

今日既情況:

我依然係好累放工, 係條巷行緊就見到佢地跑左入去大門位,

果真又係大門位相遇,

小靚妹: 我有呢個咭套呀!

我: 係呀~

大靚妹: 車, 我夠有喇~~係屋企度

我見到信箱入面有野, so我搵key黎打開佢,

小靚妹: 你住幾樓呀?

我: 我住2樓

小靚妹: 係呀, 我都係住2樓架, 不過.......(我心諗應該唔係同一棟,maybe係隔離)

大靚妹: 我地有條鎖匙可以開晒你地全部既信箱

我: 唔係掛, 咁厲害, 但係呢d人人都開到喇(我打開d冇鎖既信箱)

大靚妹repeat: 1,2,3,4,5呢d我地全部都可以開到

我: 哈, 咁你開佢地個d唔好開我呢個喇~~你快d買電芯入落把槍度

我趁機推開門, 竄入去,

大靚妹: 我一早買左喇........媽咪, 我想存50蚊入銀行..........

哈~~佢地真係幾得意,

算係令煩悶的生活中有一點歡樂,

小朋友真係好, 唔使煩d咩, 可以簡簡單單就過一日,

而我呢個假小朋友偏偏咩都諗黎諗去, 諗咩都係煩,

多謝佢地會同我玩, but我真的不夠風趣呢~我會努力^^