今年係第二十二個寂寞的情人節,

雖然係一個人, but我終於睇到引頸以盼既真愛旅程,

睇完既感覺好複雜,

我只可以話當愛情走入家庭, 孩子時, 好難再好似當初咁自由去追逐夢想,

很寫實的一部戲, 真實得有點可怕, 只可以話當一對couple既價值觀唔一致時,

好多決定都係無法挽回一段破裂的婚姻, 亦都無法回去當初熱戀的感覺.

最近一直構想緊充滿戀愛感覺既蛋糕,

本來想擺脫古古力,

but還是做了古古力蛋糕了~~

當然唔少得我很鍾愛的草莓,

兩個心型實質係四片, 中間夾著草莓果醬, 心心相印, 酸甜微苦的感覺都有,

好像戀愛的心情, 很幸福, 很心酸, 也很心痛,

旁邊配左一個呍呢拿味的雪糕, 再淋上草莓果醬,

坦白講, 我like呢邊既雪糕多d~都試過挖一點雪糕再加埋蛋糕一齊食都不錯~

小心俾雪糕凍親~哈~

呍呢拿雪糕充滿回憶的感覺, 在美國天氣很熱, 在fair吃雪糕既很奢侈卻又十分享受的事,

一個新地筒係澳門m記係2.5葡幣, 係美國fair係3.5美金, 你話係咪奢侈, 

雖然好普通既雪糕, 同人一齊食感覺很甜~

回來以後幾熱都唔會一個人買黎食lu.

今次做出黎既成品同自己心諗有d唔同, 可能自己藝術天分有限,

影相又唔係好靚, 但這就是我的愛情味道.

好多作家會將作品獻給某某, but我怕整得唔好就唔好亂咁獻俾天下有情人,

以免被人唾罵,

若果呢個蛋糕令寂寞既人有一點慰藉的話, 就獻給你吧~

因為我也是寂寞的人.

下圖係大腦突然轉動的成果, 我也很喜歡~呵~~