尋日又心血來潮翻找小櫃筒既東西,

有一些放左好耐唔知邊個俾我既咭片,

其中一張放最底既係一張會發聲既舊式聖誕咭,

我打開佢,估唔到仲聽到音樂,

睇番署名, 係一個英文簽名, 人細鬼大, 以前大家鐘意sign英文名,

但係sign左我都唔記得係邊個打邊個,

佢個名隔離寫住99, 我估計係1999年的christmas吧,

快十年了~

記得中學有一段時間大家都唔寫聖誕咭, but會派古古力,

依家睇番轉頭,

一張簡簡單單既咭片可以保存到咁耐,

比起古古力來得悠久~

係咭既背面寫住: 我搵到一堆無聲聖誕咭, 你個張有聲嘛?

有! 擺左10年都仲有聲, 仲要連續響幾首唔同既聖誕歌,

真厲害~但好抱歉我真係唔記得你係邊個,

十年並唔係想像中咁快,

因為我地都長大左, 經歷左好多,

人生唔會有好多10年,

我要好好爭取時間,

我覺得人生係要成就一d事情,

若果每日坐係office, 番工食飯放工等放假,

呢d並唔係我想要既, 我想要自己決定屬於我的步伐~

我想要自己決定屬於我的時間~