大學考試最後一日我就飛左去美國, 玩左兩個月先番台灣拎畢業証書,
之後再逃亡似的番澳門, 開始搵工既生活~~
搵工個陣既心情好焦躁不安,
唔知做乜好, 日日都好he,~~
but一定見工又會好緊張, 化晒粧, 提早成粒鐘出門,
終於我係二選一之中揀左一份覺得比較有興趣既工~~
之後開始我既朝9晚6生活~

番工第一日就加班, 因為前人要走交帶d野好多,
接著就係番兩日又放下假既黃金週,
令人好似好he咁, 現在終於算係番一個全週既我,
已經覺得頂唔順~~
新人唔似舊人咁多野做,
自己又唔夠主動同d人熟, 事務又十分例行性,
係OFFICE講野好少, 番到屋企同人MSN到好夜黎彌補,
我發現呢份工未必岩我~~

我終於明白工作既意思,
工作就係一件事你必須長期對住佢,而不斷重複做同樣的事,
坦白講, 冇興趣真係好悶, 番工同番學一樣咁花時間同心力去做~
依家呢刻, 我好慶幸我俾左一個暑假自己,
個刻既我仲係一個學生~~

踏入工作, 穿上套裝, 我不像我,
如果一雙好既鞋可以帶我周遊列國既話,
個雙一定唔會係高踭鞋, 只會係一雙Addidas,
每日坐係辦公室, 對著電腦鍵盤敲敲打打,
夢想同本性會唔會隨著時光而虛耗呢?

大人的世界真複雜,
好羨慕小朋友蹦蹦跳跳既生活~~
Joanna話番工可以以賺錢去旅行為目標,
若果番工係手段,賺錢係目的,
可唔可以揀自己比較喜歡既手段呢?

一齊做老闆吧!!