今日去見威尼斯人,
尋日收到電話都好愕然,唔知佢無拿拿做乜叫我去見工,
後來醒起應該係上網填左form,
不過隔左太耐, 我連自己in咩post都唔知, 真o嘴~
坦白講, 我對呢d大公司已經失晒望,
佢地淨係識得叫人一味地等,
如果你係想搵快錢既, 等佢地實會等到餓死~~
一入到去就係等一陣,差唔多就去另一個room,
又係坐係個room度等左好一陣,等個哥哥仔搞好晒d野,
就入去另一個room面試下,
入去係人事部既員工, 一對五方式, 輪流逐個逐個講,
第一題就係話英文介紹, 佢話中文都ok,
由於隔離個女仔d英文勁溜,捲晒利,聽得出係外國番黎,
唉~~咁我仲講英文都係比下去,
索性講中文算,
反正我覺得威尼斯d工都輪唔到我~~
算吧喇~~
唔知點解有個司機阿叔狂同我講野,
可能得我肯俾反應佢吧,
佢都幾健談既~~算係今次見工中令人較開心既point~~
之後去ok買盒自我安慰北海道密瓜奶,
俾錢既時候又收到一通面試電話,
就係聽日,好似幾有望咁~~
希望聽日面試一切順利喇~~