係澳門搵工唔係想像中咁容易,
好多都要求有經驗,
或者見到話中學畢業個d, 就feel到人工唔會好高,
唉~~好多時都係比較心態,
見到人地一入職就過萬,
咁自己都唔想做d人工太低,講出黎都唔好聽喇,
人生真係唔容易,
每次打開份報紙, 其實冇邊份工係特別吸引我,
只係為左生活既話做個文員仔我就好滿足,
對於心理呢個專業,
佢係搵工方面其實幫助不大,
因為社工唔對嘴,趁呢個moment都可以澄清下,
讀心理同做社工係完全兩件事,讀心理既人唔一定識得點去輔導人,
so請唔好再誤以為讀心理既就去做社工,
咁你真係太小看社工係既同儕~~
佢地學到既社會功能比我地多好多,
佢地更加清楚點樣幫人解決實際面既困難,
佢地更加懂得點去善用社會資源,
心理系只係可以同你傾下計, 開解下你,
但係實際既問題都係要請社工們去做,
so不要叫我去做社工!!我一d都唔清楚呢個社會有咩資源同福利,
我都好想有人同我講,
maybe我依家夠格去領個失業津貼也說不一定!
至於其他好似IT,清潔,茶水,會計.......一大堆都唔係我既專長,
最後只剩下人力資源部, but呢個部門好有趣,
永遠都係請manager, officer好似都被佔滿,
証明呢個位係可以做officer做十世都未必俾你升,
而要係外面請人黎空降,
但唔緊要, 我就係鐘意做呢d同人有關既野,
而好怪既係呢個部門薪水又特別的少,
算喇~~肯請我再算喇~~
我本來仲有銀行呢個目標,
but聽完屎王話佢地通常唔想請大學生,
我又灰心左...諗住市道差冇人做銀行,
but銀行又唔肯調高薪去請大學生,唉~~
註定我要失業良久~~
有一日我又萌起要自己做老闆既念頭,
當然係賣甜點喇~~哈~~but一諗到要由朝做到晚我就累死左~
一大早起身整餅整到中午, 之後仲要賣到8,9點,
中間仲要溜去買下材料,入下貨個d,
真係辛苦死左~~
so我都係乖乖地去做下d公司小職員算,
賣甜點就等我有中年危機先拋個身出黎做喇~~
尋日有去百佳度睇下個間材料店,
d野都幾ok丫~~
我大約諗緊想整d乜,下次列張list過黎買先~~