岩岩睇完PS I LOVE YOU
我俾佢感動左幾次,
可能係太羨慕女主角, 可以俾男主角一直深愛著,
甚至佢離開左都仲係咁為女主角著想,
一切仿彿係佢既意料之中,
而女主角都可以振作企番起身,
查實我本人唔係好鐘意睇外國片,
不過同愛情題材有關既話先會提起點興趣,
聽人講呢套片係催淚彈,
明知係咁我都想睇,
而結果我真係被感動了~~
以前覺得死亡好遠,但經歷左一d事之後,
覺得個種感覺好難受,
一個人離開,留低俾另一個人既只有一堆回憶,
好想再去觸碰,好想再去感受體溫,
好想再聽佢既聲音,好想再一齊做好多好多事,
但所有野都變得無可能,
被留底既感覺真係好難受,
女主角話過:佢被奪走,佢唔再存在,就好似我都唔存在咁,
外國人表達感情好直接,
愛與被愛,都是幸福的吧?