估唔到台大遊呢d大一既活動，
竟然要辛苦我呢個大四老人家～
喵～～打工真係唔容易～～
貼海報真係唔容易～～

四年咁耐有ｄ系館完全未去過，
今次終於我可以一探究竟，
發現某ｄ系館真係好鬼陰森恐怖～

我最討厭既系館係一入門口冇地圖，
完全唔知做緊乜～
最深刻係最尾去既昆蟲系館，
完全唔知系辦係邊ｌｏｒ～
坐電梯上去3樓再行番落黎，逐層都擺滿晒儀器雜物一大堆，
算喇～我係個公佈欄自己貼算喇～

另外一個就係園藝系，見到佢地系館外層舖綠色棚架，
好似被隱沒左既一樣，
而社會／社工系館仲驚，行左一樓一圈半都唔見唔到辦公室，
於是去敲管理員室，冇人應，
我推開一下門，入面一片漆黑，
感覺好似拍鬼片咁，
真係好恐怖～～
而獸醫系真係好抱歉，我貼完冇關番個玻璃櫃，
因為佢感覺上係壞壞地，
我好驚佢會跌落黎，由於唔想重蹈覆轍，
ｓｏ決定關一半就閃人～～
機械系館又係好無無聊聊架，兜左成圈都係見唔到系辦，
結果捉住個好心既哥哥仔指路，
先知系辦原來係隔離工學院大樓既五樓，
你有冇再難頂ｄ呀～
其餘地方都還好～有ｄ系唔使點動手～
好ｇｏｏｄ～

經歷呢次台大遊，希望下次有同類型既宣傳唔好搞我，
真係好鬼累．．．．．．