人生就係會有好多無無聊聊既時候，
我唔想坐係自己個位度，
因為有一大堆野等住我搞咁，
我覺得好累，
所以我匿係婷婷既位度聽住歌，
我唔知自己想點，
我冇感冒，但係個心感冒了，
唔知食咩藥好，
所以任得阿婷整左個魚光女造型，
仲影埋相都冇乜野咁，
依家好呆，
記得以前中學個陣都試過咁樣，
係咁脆弱既時候，
真係俾人打劫都唔想反抗。
梁靜茹既新碟好好聽，好想去唱ｋ唱晒成隻碟，
尋日花完錢，今日食左雪糕同蛋糕，
但係依家仲係冇乜元氣，
青春係乜野？
係咪就係指我地仲有時間浪費？
還是忙一點好，咁先唔會覺得浪費～
食餅乾條好似食煙咁，
雖然自己唔食煙，但係好記得人地食煙既樣子同手勢，
好似好享受咁，
但係我都連一口都唔想試，印象深刻煙霧～
雖然自己唔飲酒，但係好記得酒氣同歌聲，
好似好開心咁，
但係我只是淺嚐一口而已，印象深刻味道～
值得用一生去追尋既係乜野？
係大學，我了解左自己好多，
但對於夢想，我只係一知半解～
時間太少，要追求既野好多，
點樣去搵最重要既野？