最近睇完蔡康永的書，其中好深刻既一篇係話：

有個記者訪問佢話：如果俾你上天俾你揀，你會想要長得俊俏還是頭腦好？
佢毫無猶疑咁話：緊係要長得俊俏喇～
(我都係咁諗^^)
佢既原因係長得好唔好應該很快就會知道，
但頭腦唔好應該有排都未知～
呵～～我覺得總之就係讓人過得快活ｄ就好～

前兩日同古行街，我ｄ公仔癮又出黎，
基本上係多情且深情～即係鐘意好多但每個既感情都好深厚～
見到大根公仔咁搞怪，又鐘意左，
於是同古講話大根好有趣，
古突然用一個前所未有既認同既眼神同語氣話：
鐘意得好！因為佢真係好有智慧～
下？智慧？查實唔多明，不過我覺得大根唔似一般既公仔咁笑笑口，
佢ｄ眼神好似坐埋一邊不理世事，我行我素咁～
原來古就係覺得呢種精神係一種智慧，可以拋開世俗煩惱及束縛既境界，
就係一種智慧～
呵～～我都唔知道係咁樣歸類添～

以前覺得智慧要係世俗競爭之間先可以突顯出黎，
好似三國諸葛亮咁～
如果人生每個人分配到既野係固定既，咁就無需要智慧，
不過達爾文既天擇論講明左人世間既殘酷，
無論人類或者動物，都必須要競爭去搶奪有限資源，
只係爭得累了，可以抽離反而係幸運吧～
看開一點，智慧也會提升一點～
我諗我想繼續爭落去，
呵～希望抽離個陣仲可以保持住一份童心～