人生中難免會有做錯事既時候，
錯要認，要改，就算要罰都要企定！

恨錯難返呢句說話我一直擺係個心好耐好耐，
用好多好多開心黎掩蓋，
直到哀怨堆積至腦海完全不能思考，就會爆發出黎～

一開始應該冷眼旁觀，置身事外，
今日就唔會咁煩，連假期都仲要有野擔心，
邊可以玩得ｓｏｆｔ架～

坦白講，我唔係搞活動既好人選，
我唔鐘意催人做呢樣個樣，亦都唔鐘意按照計劃辦事，
壞心眼講句：上到台係佢地要出醜我都唔想阻佢地，
我只係想開心～
搞活動搞到咁唔開心真係唔想搞，
呢個係細路仔既諗法，
係大人既世界入面，
我唔可以只顧自己快樂，而係即使自己唔快樂，
都要勉強去配合他人～
我地稱呢種態度係成熟！識大體，顧全大局～
不過我既心依然係細路仔，不想長大～

番唔到轉頭既事，不想回望，
依家只可以向前看，
唯有寄望船到橋頭自然直～