今日真係黑仔黑到冇野好講～真係由朝早一直黑到夜晚～
一大早起身～發現鬧鐘慢左半個鐘．．．去廁所個陣又因為水壓不足而沖水沖左成１０分鐘～到梳洗個陣～咁岩阿姨又要清洗廁所～逼於無奈要到另外一邊．．臨出們個陣仲因為搵鑰匙而差ｄ遲到．．．．加上今日既天氣．．雨唔大唔細．．好煩呀～淋濕少少又要番去洗頭喇～下午做實驗個陣真係聽講解都聽到我想訓著．．加上個實驗真係做極都做唔完咁～第一次做實驗真係做足３堂．．．超煩超無聊～兼且今次用個電極棒成３０００大元，我同個組員講我今好黑仔，唔掂得，ｓｏ全程只係呆坐．．最後仲要留底值日添～算喇～當係光明正大英文堂遲到ｌｏｒ～
之後去師大個陣又俾兩個人捉住介紹睇痘痘既好醫生～真係超熱心．．其中一個仲俾埋佢個仔幅相俾我睇添～真係皮膚唔錯～～仲幾靚仔添！但係始終唔係咁好意思，我仲feel到佢地真係想拖我過去添～真係好感謝你地既熱情～但係都係唔好咁夾硬黎喇～嚇親左！另外，落雨騎車拎遮係馬路馳騁真係極度麻煩～
番到黎宿沖個靚涼諗住沖走埋衰氣．．．點知，岩岩係宿舍出現世紀大蟑螂～查實我唔係話好驚～不過佢咁大集又曉飛，真係有點怕怕～幸好有小ｔｅ同ｋａｒｅｎ既協助，用左半個鐘，終於將蟑螂就地正法～