其實我同呀國都好精神..但係對腳就好攰勒..
爭持左一陣...我地都係訓覺好勒...
點之...我地訓到4點幾5 點左右..我地同時醒左..
傾下計..玩下電話...心思思...就換3 落樓...去左拉老虎機..
不過澳門d 老虎機都唔係好似我呀媽話咁易中...可能我買得少啦..
禁機個隻真係無中過...反而有手制拉個種都中過下..
贏下輸下...當係打個和囉..
以為7 點鐘就可以入去食早餐啦...上到去問個侍應WALK IN 咩價錢..計埋加一86蚊一個..講多兩講先至之到..原來宜家只係6 點鐘...
然後我地2 個就行過去美高梅勒..好靚..真係好靚..老實講..入到入面賭場..真係間間都一樣咁滯架勒...但係整體.連埋出面咁計...我真係鐘意美高梅多d ...美高梅個感覺比較modern ..young d ..但係商業d 似d shopping mall ...好似ifc 個d 咁..不過佢個賭場..我都都無乜點贏輸..但係呀國就輸左少少咁..用左200買左一枝仔橙汁...真係貴..我蠢左..諗住一陣食早餐都有得飲咪唔拎囉...宜家諗返..蝕左..完左美高梅..就撘的返酒店等食早餐..如果行返去都應該要20至30分鐘...

返到去等埋呀國爸爸媽媽同哥哥梳洗完..就落樓食早餐..
嘩...個早餐真係好豐富..講真架!!比我想像中豐盛好多..我之前係以為得幾舊包..再比幾塊火腿你..然後橙汁.牛奶咁咋..
點之..連飯都有..熱食凍食都各10款左右...飽點都有5 款.粥都有3 款..仲有咖啡.奶茶.橙汁蘋果汁菠蘿汁..生果都有添呀!食到好飽飽..~之後返上房訓多一陣..10點幾11點就退房勒...

退左房我地就過"乙水"仔個邊...去威尼斯人丫嘛~...
原來呀國個爸爸同哥哥都有份起架!!幾勁呀~..個到好大好大好大好大..有好多期..我地都只係去左一少part 咋...就係賭場..[[哈哈又係賭場..~我最鐘意!!]]威尼斯人呢個外觀就好浪漫架喎..真架喎..但係個入面呢..我又覺得好搞笑...帶少少中化既...同埋入面勁多..係勁多大陸人...而且又多人好多...可能係"乙水"仔既關係呱....完全無安檢...我地諗住寄存d 手信行李然後再入去個賭場..點之..個d 人竟然叫我地拎埋入去..真係o 左咀...好多個樣又細個..睇身型都之發育未完成個d 都照入無問題..痴線架喎..唔理佢...我都贏左少少430蚊咁..扣左本即係贏200幾300到..好!跟住就集合再go !真係好彩坐到架5人車~he he

去左呀國爸爸宿舍到放低野先...佢個宿舍都好大架..1個套房另一大一細房..不過佢爸爸就另一個同事訓廳..佢就訓上格床...其實都真係好辛苦.. 一個人係出面做野...返到屋企就自己顧自己...周圍除左賭場都無乜咩娛樂..不過好彩佢爸爸唔賭..唔係咒佢..真係沉迷賭博都唔好啦...放低行李就出發去食飯..~今次食上海野..佢爸爸帶路..點之真係遊左一圈花園..唔好怪佢啦..有幾可會去探佢..佢都係想比你地之到下佢平時d 環境係點je ..不過我之大家都明既..但係真係咁衰啦..講笑都衰..成鬼日話佢爸爸煩..[[哈哈..唔之係咪做地盤既爸爸都係咁..我爸爸都係好長氣..真係好長氣..但係我地高家又唔會咁樣笑爸爸..家家人唔同je ~]]

食飯~我覺得無乜特別..但係其實我心入面係想去隔離個間葡國野食..因為我覺得好似好傻仔咁..香港都有得食上海野..但係無緊要啦..都係好食既~食得開心就得勒..我都好少食咁多炒粗面...

由於我地之前係行過黎既關係..所以大家都認為撘的士係0岩既[[唔係懶唔願郁而係想多d 時間]]....點之間的士都勁快去到...快到連個司機都唔係車我地去..........唔緊要啦..吹下風都幾舒服丫

又由於呀國爸爸個宿舍係正皇冠既對面...所以我地都係入左去皇冠行一轉既..
結果係輸左1..2百蚊啦....整體黎講皇冠都好洋化...好正統外國酒店咁囉...但係個賭場好細..而且係好暗..好沉...好似去左d 乜鬼餐廳咁...講野都唔敢咁大聲....真係唔怪之得要搵周潤發賣廣告...

皇冠賭場都可以話係我地最後一站..因為之後我地就撘返穿梳巴去碼頭...行左一個圈八佰伴...打左一陣機...就打道回府.返香港~

宜家成個腦都係輪盤..魚翅..仲有利澳個張大床[[因為我地呀國都可以打斜咁訓..]]仲有仲有係..我親愛既國哥哥..!
我地聽日又見勒!真係好掛住你呀宜家..!!哈哈哈哈
講定句生日快樂先~ >3<