導演: 畢貝特(Brad Bird)
主演: 粵語配音：鄭中基, 梁漢文, 張柏芝
片種: 動畫
日期: 2007-08-02

為食大鼠味王(Remy)天生嘴刁為食，畢生志願是成為五星級大廚。味王膽粗粗去到美食之都巴黎，「鬼鬼鼠鼠」就係想入廚房煮兩味，結果遇上不懂煮食又論論盡盡的廚房打雜闊條麵(Linguini)，更準備合作大展拳腳，由味王使出真功夫，由闊條麵出面又「出手」。當然搞到全城一鑊粥，炒起無數笑料！

餐廳的廚房有老鼠出現，俾人知道仲駛做生意？餐廳更加等住查牌兼封舖！究竟一隻人見人怕的老鼠，怎樣在「生鼠勿近」的廚房闖出名堂？雞手鴨腳的闊條麵，又怎樣代鼠落廚？出名尖酸刻薄，食肆俾佢踩過等執笠的魔鬼食評家梵高森，亦已瞄準味王所在的餐廳…到底味王能否成為真正的五星級大廚，實現這個不可能的夢想？


好睇..有意思..
過街老鼠人人喊打..就係呢隻犯眾憎老鼠帶比人類唔只係美味既感覺..英雄係莫問出處既..
人類亦都太自以為是...因為佢係一隻老鼠而對佢既出色既廚藝質疑..
有時d 野真係唔可以強求..唔係個方面既天才..點扮都唔會係...著左龍袍都唔似太子...安守本份..量力而為..
屋企人永遠都係最支持你個個..爭在你有無講比佢地之你想點..

入左場先至之係粵語配音..心諗..下..唔係呀嘛..早之唔睇啦...
點之會有意想不到既驚喜..第一次咁欣賞粵語配音既動畫..無港式爛笑話...而且把聲同主角都好合襯..無格格不入既感覺..好自然..

不過唔係幾夠喉..哈哈..唔覺唔覺就2 個鐘..唔覺唔覺就fin ...見到個fin 呆左一呆...下?完架勒..
成日都將個混淆左係闊條面...但其實..佢只可以叫做第二男主角..因為主角係味王先至0岩..因為<<五星級大鼠>>丫嘛


真係值得睇