今日同喵鳳仲有喵燕一齊北上，原本我地有好多計劃架，又好多野買架，但係最後都係因時間問題攪到我地有一o的事做唔到啦～
　　首先我地去左買冷先，之後我地就去左買老翻佢地兩個都買左碟，嗯...好似都係卡通碟呢架...而我呢，哈～當然都有買啦．．．就係我呢排好好好鐘意睇既hunter hunter啦！一隻六蚊，有兩隻，咁就去左十二蚊啦...有ｄ肉痛...不過算啦！因為我真係好鐘意睇，我知道好多人都覺得睇卡通好白痴，但我並唔係咁諗，因為都要考慮下呢套係咩卡通，唔係每一套卡通都係想像中咁白痴...我覺得有些卡通總想帶出一些道理麻...嗯，可能佢地唔係咁諗，但起碼睇果個人get到就得啦，何雖理會別人對你睇卡通既評價呢～
　　好啦．．我又離題啦！真冇用，其實我係想講原來同喵燕出街係特別唔同架！佢好鐘意自己周圍走，又唔單聲俾人聽喎，因為我之前未同過佢出街，所以唔知佢有呢個習慣，攪到我地好幾次要特登搵佢番泥，同你地講哦～我地搵佢既時候都唔短架～！佢又冇手提萬真係唔見佢人影真係唔知點好架，雖然証件係我地自keep番，但係你話我地走唔走好，點知喵燕係咪又搵緊我地呀？所以我同喵鳳就話我地要拖實喵燕，咪一陣又唔知佢去左邊呀=.='
　　最後我講番我地有咩係未做架啦～就係映貼紙相啦！我都好似未同過佢地兩個映貼紙相呢！嗯，唔得！下次啦，有機會既話我一定會映架！因為...我唔知佢地下年仲會唔會係澳門......