今日係一個特別既日子......
　　今日係高二對高三既籃球比賽，係呢場波之前我已經講左唔想落場打，我話就話同高二既人合唔泥，其實真正既原因我並冇同人講，但係，我所擔心既真係發生左......
　　我身為高二既人，但係問心個句，我心係高三果度，落場，只會令我左右做人難，手掌係肉，手心係肉，我並冇話幫邊邊，我真係中立，呢場波嬴輸我跟本唔在乎，只係後來雙方打到咁有火氣，我真係有o的徬徨，我都唔知點做好，直到完場後，我兩邊走，先到高三果邊，有人好嬲咁個我講高二點點點，我好無奈咁坐係度；到高二果邊，佢地又話高三點點點，我又係好無奈咁企係度。我最後講左一句：「我中立架...」之後就有人話我唔係中立既......我真係好無奈，好地地一場波，點會打到咁......我唔想俾人誤會呀......我覺得我就係企係灰色地帶，黑又唔係，白又唔係，真係......
　　最後，高三和高二 55 : 19，高三勝出，總之今場打到咁，我真係有點兒唔開心，係咁不愉快既氣氛下完成，我都唔知有咩講，不過呢場波將會好快被遺忘......希望如此。21/10/03