首先等我講下賽果先啦，係．．．．．30：28。係高二28，高一30，其實都係意料之外，因為我估唔到我地可以追得咁近，而且比數都唔算抵啦．．．嗯~~都唔錯架啦，其實到尾聲既時候都有o的峰迴路轉架~~我地同高一先係２８打平，後來高一同高二分別入左一球，但到最後始終俾高一入多一球，咁就輸左ｌｕ~~先初覺得有o的唔抵，但後來覺得我地輸波都有我地既原因，我仲記得我地俾顧ｓｉｒ話過：「你地咁都打唔到，不次對高三就唔知點打。」係，我深信呢句，本來高二同高三既實力已經懸殊，再加上以下二個原因：
　　一.　高二冇乜點練波，合作得唔係咁好，加上佢地打波我行我素，唔聽人意見。
　　二.　我地級一個高人都冇，想搵個人做搶下籃板都冇．．．．．=.=||
　　三.　高三有實力，再加上粉絲同monkey，真係好難對。
其實我今場都冇乜點打過，因為我係做後衛，而且我o的球技唔多好呢~~所以冇謂企咁前啦，但係有時候我相信我俾佢地既意見都唔錯，可惜佢地唔接納，我都冇乜野好講，即使顧ｓｉｒ叫我返去企場邊叫o的人點打，點人都唔聽，唉~~我領略到咩叫圈子．．．佢地打佢地既，我有我企，今場波諗返轉頭都真係有點兒那個......
　　好啦~~下星期果場係高一對高三，係我做裁判既，但係我俾顧ｓｉｒ質疑，話我會偏幫高三，我要係度講：我唔會偏幫任何一方，我係果場球賽一定會公平判決！07/10/03