係2月14日情人節果晚，我當然冇情人陪我過啦～但係我就有一大班同學仔陪我過啦！係果晚，我地係秀霞屋企聚集，全場有八個人：我，秀霞，小文，gill頭，符ｂ，海獅，喵燕，小芊八個，原本應該仲有三個，不過後來都係冇泥到～但係...佢地冇泥係岩既因為我地訂左兩個ｐｉｚｚａ，兩個都只係界左八份～剛剛好夠分所以佢地唔泥係岩既～ｈａｈａ～～！係個晚ｐｉｚｚａ要等成個半鐘先泥呀！果時都已經成十點半lu=_=||不過我一邊睇花好月圓一邊等，睇完就剛剛好到，上到泥就開餐啦～「我唔客氣啦！！」之後我地一邊睇鐵達尼，一邊食ｐｉｚｚａ，我地仲一齊影相添～係睇呢套野既時侯，我地仲有練下健康舞，我仲學左個新動作，同練熟左之前學左但係未熟既動作，太好啦！因為我冇練一堂，所以要追番佢地先得呀～！（>__<）之後我地又煲左忌廉湯同煮左拉麵食～食得好飽呀～！我係睇完鐵達尼先走架～所以當時都已經差不多成十二點三四個字，冇巴士返屋企ｌｕ～點算好？！咪邊行邊睇下有冇的士截ｌｏ～得來真係見到一部，但係我同gill頭都決定行返屋企，因為我地都差不多行到去高士得啦～結果我地行左差不多一個鐘先返到屋企，原本諗住睇埋ｈｕｎｔｅｒ先訓，但係實在大累啦～所以我上左一陣網，同ｐｅｎｎｙ同阿琪ｓａｙ　ｂｙｅ就走去訓啦～(2004/2/15)