係今晚，為左慶祝異形仔考到第二名，我地就攪左一次飲野，其實我係仲有另外一個目的既，就係想聚一聚啦～成個新年流流長既假期，我地都好似冇乜點見過喎～加上係學校又見唔得多喎，當見到你地既時候都已經上堂，所以都想借呢個機會下啦～反正...都最後一年...
　　但係其實係開始飲野之前，因為有少少誤會，所以我向鳳鳳發左脾氣...對唔住呀！不過我知你唔會嬲我既，係咪？
　　好，等我講返正題先啦，係今晚有我，小君，秀霞，gill頭，符ｂ，海獅，粉絲，小文，鳳鳳，異形仔同阿ｔａ，小文一開始就講過不停，由學校既lo sir講到生物堂既解剖，幕幕都好攪笑，跟住又伸個頭過阿ｔａ果邊八下有咩聽，原來佢地都有攪運動會，規模當然比我地間學校大好多啦～我地最長跑八百米，佢地最長就跑三千，真係勁！後來我仲知道跑三千果個野原來係跑觀光塔冠軍，真係掂呀！！無幾奈，鳳鳳同粉絲就返左屋企，就阿ｔａ同異形都走埋，雖然人少左，但係都冇減我地既氣氛，後來我留意到我地隔離果檯有ｄ tb，同一ｄ上年紀既姨姨坐係度，唔知點解，我同小君都ｆｅｅｌ到佢地係女宿ｄ人，ｈａ～ｆｅｅｌ者～未必係既～就算係都冇野架，又唔知佢地係邊個，不過講真，我地果晚都真係坐左好奈，七點半坐到十一點半，足足坐左四個鐘，我地就總共消費左二百五十四蚊但係可能異形佢地走既時候俾多左錢，所以唔知點解多左十六蚊，其中六蚊係異形欠我既～所以就我收番啦～剩餘既就歸入我地二月十四日晚既活動經費，至於果晚（二月十四日）我地會有咩活動呢～就緊係...唔講住啦～不過我將會係呢個新聞台發表有關果晚既文章～記住留意啦～（07/02/04）