OCTARD遮瑕膏
OCTARD遮瑕膏
其實我自己好少用遮瑕膏，托賴總算無咩野黑眼圈、斑斑之類嘅野要遮，所以對遮瑕產品無咩研究，但係因為之前學化妝要用，所以亂打亂撞俾我搵到lee隻OCTARD遮瑕膏，真係唔錯，估唔到遮瑕膏可以咁爽咁薄而又高遮瑕力，我試過上堂時用佢嚟幫我model遮住條眉，真係已經遮到八成，而用嚟遮唇線嘅效果都好好，又或者薄薄一層印於唇上蓋過整個唇嘅唇色亦無問題，因為佢一D都唔”立”，所以就算用係咀都好舒服又唔太乾，總之有一盒旁身就包無衰～哈哈！好誇張！
(悄悄話)
(悄悄話)
pat
真係唔該晒!我會試下D方法!妳已經幫左我好多喇!thx!
版主回應
唔好客氣！希望對你有幫助啦，得閒再過ｏ黎走走＾＿＾
pat
我T字出油但無脫皮,兩邊面未至於好乾,除左出油外其他都oK!仲有我想問問鼻兩側毛孔大,可以有辨法解決嗎?真係唔該晒妳!
版主回應
咁你係屬於混合性偏油，ｃｈａｎｅｌ支野應該你都會ｏ岩用！至於你個鼻鼻毛孔大多數係因為出油問題引致，你只要俾心機每個星期做２次清潔面膜同埋做好控油同補濕咁ｄ毛孔就會自己細返ｄ ｇａ ｌａ，除非你ｄ毛孔已經失去彈性，唔係以上ｏ既方法已ｏｋ！其實收毛孔大致上都係ｌｅｅ ｄ步驟，好多收毛孔產品都係誇大功效，其實係無咩用ｇａ～希望以上意見對你有幫助啦＾＿＾
ｔｉｐｓ：我自己成日都會留意ｔ字位有無油，一有油就用紙巾輕力印走ｄ油，然後跟身玫瑰水點返少少於鼻位補充返水份，總之就係唔俾ｄ油脂浸住ｄ毛孔就好好多ｇａ ｌａ！
REGENE
我都系學緊化妝啊,,,,你LEE只遮暇膏邊度有得賣啊?幾錢啊?
版主回應
你去尖沙咀龍城／YAHOO賣場都有得賣！記住格價ｂｏｒ！價錢大概係７ｘ～８ｘ不等＾＿＾
pat
唔該晒妳呀!我T字位、鼻兩則及下爬位會出油,兩裌較乾!麻煩妳呀!
版主回應
唔駛客氣～照咁睇你係屬於混合性皮膚，但想問問你ｔ字出油之餘會有少許脫皮現象嗎？兩邊面係好乾？因為其實混合性都有分偏油偏乾ｇａ＾＿＾
pat
Chanel支保濕乳液係化妝水後用嗎?其實我唔識分自己咩膚質架,我淨係知勁多雀斑,但化完妝幾個鐘後會溶晒兼有面油!
版主回應
係ＡＲ～用於化妝水及精華素後～佢全名係
HYDRAMAX+ Moisture Boost Fluid，你皮膚邊ｄ位出油？邊ｄ位乾？睇下幫唔幫到你分＾＿＾
rabbit
hihi, i`m from beautyexchange~~ haha...cool site. where can i buy this concealer?
版主回應
hihi rabbit～ＢＥ ＳＩＳ特別有親切感，哈！你去龍成／YAHOO賣場都有得賣＾＿＾記住格價！
PaT
hello...我想問下你係咪有用Chanel保濕乳液,因為我而家用緊Dr.Ci:Labo Aqua-Collagen_Gel我想轉用Chanel,可以比D議建嗎?定係續繼用Dr.Ci:Labo?麻煩晒!
版主回應
Dr.Ci:Labo Aqua-Collagen Gel我未用過，所以俾唔到意見你亦比較唔到＾＾”
至於Chanel支保濕乳液，我自己用就真係超掂，我本身皮膚屬混合性Ｔ字位出油，但用佢之後可以成日都ｋｅｅｐ到唔多出油，訓醒鼻哥一滴油都無但仲摸得出係好補濕，如果你同我差不多膚質的話真係一試無妨＾＿＾
ki
i also using this 遮瑕膏~ S51~ nice to meet you^^ i like ur sharing very much!! add oil!!
版主回應
好開心有你lee個知音人～nice to meet u too！身邊朋友唔係咁貪靚，所以分享唔到～係ｂｌｏｇ度同大家傾下扮靚經好ｈａｐｐｙ，有地方抒發下～哈哈！我會加油＞ｗ＜
心思思想遲ｄ試下shiseido遮瑕蜜spotscover，又係一款口碑產品！