我愛你

但係....

我唔可以再同你一齊喇....
話比你知

雖然分手係我講
但我亦一Ｄ都唔好受

同你一齊四個月喇
以家我經過每一個地每一條街每一間鋪頭每一樣野
都會諗起你
所有有關我地既回憶

我知我做呢個決定我就要承擔呢一切
我會記得所有有關你既野
我地第一次睇既戲係"在世界中心呼喚愛"
我地第一日一齊係２月既２８號
我不嬲唔食油膩野係你令我中意食大久保既三文魚頭
我左手既疤痕
我地成日去既地方...大久保....大家食....五樓
我地一齊工作既地方....面包
一齊換衫一齊收工一齊搭車
你住將軍澳我住馬鞍山
你搭297我搭85c
夜晚響旺角你會送我搭803綠van
我地會去新の城對面既vcd鋪買鍱返屋企睇
每一次你去我屋企都唔肯沖涼
你對野食好執著....尤其係咖啡
我地響m@s分過手
我記得我個杯咖啡有個女仔樣係喊緊既
你仲叫我一淡飲左佢
以前你去中環接我放工
有一次你激嬲我送左個XO槌仔比我打你
啱啱一齊o個時天氣好凍
我地坐響維園藍色公園坐左好耐
傾左好耐我響你既擁抱中差D訓著左
你買過一件情侶裝我地一齊著
去釣蝦場你知我唔中意搣蝦殼你隻隻都幫我揻
仲有我釣唔到蝦你為左氹我去左夾公仔比我
我地成日去paris坐.
仲有PL....第一次kiss既地方
尖沙咀海旁....天.氣好凍....我地攪住大家
你屋企有個bb叫藍藍
.
.
.
.
所有所有
我都冇忘記過
只係面對你
除左喊我咩都做唔到
你一次又一次既傷害我冇辨法再承受
我愛你我掛住你但我必須要離開
求求您唔好再打比我
唔好再問我點解可以咁快冇事
我冇講過我冇事
我有事都唔會話比你知
點解你要等一切冇得返轉頭先會珍惜我
我唔得喇....

同你分開我一Ｄ都唔會好過
我冇覺得好開心你唔好咁話我
我只係唔可以再付出
因為我已經付出晒我既所有
我唔係永遠都會返去你身邊
點解以前你要當我可有可無
以家又要話唔捨得我?
我都有我既決定
我都一樣要從新學識點樣一個人生活
我同你都承受一樣既痛苦
.求求您快D振作起黎

唔好再拉大家去一個萬劫不復既境界...