2004-06-08 22:21:21

琴日我由9:00a.m.訓到4:00a.m.足足十九粒鐘,醒過兩次,發左幾個夢ar~一個講我唔知點解有把長頭髮,仲着泳衣同屋企人去沙灘游夜水,去到有好多人,多到開P咁,d人又好雜,有個肥仔用口含住d水噴我想搞事,我就揾我阿爸(着住軍裝,my dad係警察)去擺平件事,之後我去到海邊間麥記,有好多人聚隻響度,忽然有一班巴基斯坦藉既差人話佢地已經搞掂左特區政府,以家香港係佢地話事,有好多人嘈黎嘈去,然後d巴基斯坦差人比每個人一張紙,上面係o個個人既每月特定薪金,一生受用,每個人收到都叫苦連天,得3,000以下,仲要呢世都係咁,而我o個張係"796",我每個月只有$796????於是我去求佢地,又要講英文,但最終佢地死都唔肯改,我又喊晒咁~完左！

講第二個之前係講一個原理先,咪話東面有隻蝴蝶拍翼,之後搞到西面刮風球,我個夢係講我屋企個工人(係一隻老鼠XDD)跌左支針落地,搞到周圍有好多龍捲風,d龍捲風越捲越大,卒之我同一班人坐響露天樓梯到,睇住d龍捲風侵蝕世界,周圍d建築物吹冧晒,世界末日黎喇...我同我煮緊飯既老母講叫佢執野走,佢唔信我講,我拉開窗,出面已經大風到吹起晒d雜物,我響混亂之中執左一d有用既物資(鉸剪,罐頭刀),之後唔記得lu~

講完~悶呢~

呢排個個都話用WinMX比差人拉?真唔真架~???驚驚地添~