十二月二十五日，零三年

與其出去同人迫食野又怕無位睇戲，我地決定先去葵芳食飯睇戲再出外！！

約左麗全係葵芳ｐｉｚｚａｈｕｔ等，準時既佢扲晒兩間既籌再到到籌入埋意粉屋坐我同江先到，真係唔好意思！！

個龍蝦鮮果沙律好好咪呀，搵日要再食，唉肥仔！！
呢間個廁所好靚，個水龍頭好有米奇ｆｅｅｌ！！
食完飯大家去左睇無間道ＩＩＩ，江剛剛先係我家睇完ＩＩ，
印象超清晰，好似某間戲院播無間道馬拉松咁．．
睇完後大家搭尾班地鐵往中環所謂既巨型聖誕樹先發現地鐵是日並非通宵行駛，
出到去先算，況且點搭都實有車既！
棵聖誕樹竟然有限亮燈時間，去到已經關左，好無隱！唯有就地放超小型ｘｘ！
大家周圍行睇下其他路人既聖誔願望，，，打的去左銅鑼灣杏花樓宵夜，真係死肥仔！！