二零零三年十月七日至十一日

囡仔呢排都間斷咁肚痾，姐就帶佢去睇醫生，好不幸醫生說做完絕育手術後狗有ｘ萬分一既狗會出現咁既徵狀，現需要係個肚度做多次手術．．．．．
過往囡仔做完手術後姐會帶囡仔去將軍澳住，方便佢親自照顧及較乾淨些。
今日個手術太突然，放工後我便拎齊一切囡仔既日常用品往將軍澳，囡仔無上次手術後咁累。我去到都差唔多十二點，當晚便於將軍澳過夜．聽朝約埋ｍａｇｇｉｅ一齊返工！

朝早約左ｍａｇｇｉｅ　８：３０係將軍澳車頭等，點知我早到，最終仲去到寶琳站等埋一齊出發（沈嘉妍竟然早到，可能係唯一一次）！將軍澳返公司真係頗長程（橫跨兩條線），但可能全程有得傾計時間比想像中快。

因為禮拜六姐要返工，星期五晚我便去左將軍澳訓待訓醒後陪伴囡仔！
星期五晩放工後同ｍａｇｇｉｅ去左新都城間明苑食ｄｉｎｎｅｒ＋宵夜，
叫左星洲米、魷魚鬚、紫菜湯及凍檸檳！食兩食ｍａｇｇｉｅ先講佢唔係咁好星洲米，我又以為佢鍾意食辣野所以．．．（好一個誤會），ｍａｇｇｉｅ推介既紫菜湯竟然有一首紫菜歌（歌詞仲要貼係店內牆壁）。

今日馬會度請病假，起初諗住晨早起身睇街症．．但最終無咁做（今次唔係起唔到身，而係唔想．．）琴晚仲問好晒ｍａｇｇｉｅ的街症地址及情況，我說笑要同的婆仔淨贏個位，哈哈！！大約六點度落左去一位名叫陳仕健醫生度拎醫生紙，一入房就同佢講咳及好多鼻水，就係咁佢就話『你傷風呀．．．』從來未試過拎醫生紙拎得咁快捷及開心！

晩上就去左官塘同各親友食飯慶祝婆婆生日！