尋晚我終於哭了,縱使我係如何堅強,都證明我抵受唔住成日一個人。

可能呢d係成日谷埋谷埋,績左喺個心度,最後一次過發泄出黎既結果,由宣判我入IEd當日到尋晚,隔左好長既時間我先識得為一件心結去喊。

今日諗番,原來寂寞只係導火線,千萬分既不甘心先至係我哭既真正原因,可能要哭過,先代表我真正放心我呢一份既不甘心,之前成日一個人,諗到最後,都係諗到自己應唔應該入IEd,定抑或repeat...

我從來唔鍾意回顧過去,尋找遺憾...我不得不承認我到現在都唔甘心,好唔甘心,只可以眼白白睇住自己去接受入黎IEd既結果,次次諗到呢度,我好心酸,但係都迫自己唔可以喊,所以一直都冇喊,但係到尋晚終於喊過,躲喺被窩底下,痛痛快快咁喊!同我統統發泄晒出黎!我唔想再諗!縱使如何既不甘,我唯有去接受,去努力眼前應該做既事,所以請唔好擔心我,我唔會再諗,喺IEd度感到孤獨,我會識得去溫書,或者我會去彈彈琴,上吓網,睇電視,去聽歌...我可以做既就係咁多。

亞藝,尋晚令你擔心,令你痛心,令你為我喊,我好過意唔去,我好感謝你,亦令我再一次明白我唔可以冇左你,我再一肯定我只係會愛你一個,係呢一生只會愛你一個,我唔想愛第二個,一個就已經好夠好夠啦,我好開心你可以愛我,我亦會好好記住你喺sms裡面既承諾,我好開心好開心,好愛你好愛你...我好明白我同你兩個都係徹徹底底咁愛住對方,我深深愛著你,我實在不能夠自拔,現實只係話我知我冇擇錯,叫我付出一切咁去努力,去俾屬於你既幸福,我應該去爭取,而唔係哭哭啼啼!去痛心昨日既不甘,回憶過去既損失!

我冇事架啦!我應承你,我會好好努力,盡我最大既能力去爭取,俾你幸福!我要同你長雙廝守,除左美好既婚姻,我實在諗唔到有乜野結果我地係應該去追求。

由依家開始,我唔會再為過去而哭,我會以我地既美好將來為目標,我會喺IEd度繼續努力,做我應該做既事,無論時間點過,人事點變,我仍然愛你,愛你一世!!!!