果日差唔多11點幾就要起身啦﹗
超眼訓‧‧@.@
不過唔緊要，
因為要同阿昕去街街~~~

唔記得左係阿昕打比我呀，
定係我打比佢啦。
好似係度講話出門口之前要call對方，
跟住應該係度講埋d白痴野就收左線‧‧

我搞掂哂果時已經係12點到，
咪即刻走去搭地鐵la。
我開始搭果時，
咪即刻打比阿昕lor，
不過，我諗我都係遲左出門口‧‧‧
打完比佢，見悶咪係度聽MP3 lor~~

過左冇耐，要轉線，因為搭完柴灣果條線lu...
原本諗住搭東涌線，再轉荃灣線架﹗
點知‧‧
因為我路癡既問題，唔知點解又會走左去搭荃灣線過喎，
好無奈﹗最終都算安全咁去到葵涌。
不過，搞到阿昕等左我呢個路癡幾個字，
真係very sorry呀﹗﹗記得唔好嬲我喎﹗﹗
唉‧‧我呢個路癡究竟幾時先可以變返正常呀？？

跟住，我地就走左去卓悅啦﹗
我諗住買果樣野又唔見喎，咪好快咁走人~~
真係混吉架﹗^.^

之後阿昕就帶左去一個不知名既商場啦。
我覺得好辛苦，因為著住緊一對婆仔鞋，
搞到我鬼咁腳痛，都唔明d人點解好似著得鬼死舒服咁喎﹗
仲要搞到我拖住阿昕隻手黎行，
阿昕又要特登行得鬼死咁快，想將我飛出去咁喎﹗
搞到個個係度望住我地tim呀﹗
雖然我地係好白痴，不過真係好好笑同埋好好玩呀﹗

P.S. late d 再寫~~
回憶緊果日幾白痴‧‧

PIC 星河滿月