落更(即係甩師)有一個星期了........






呢個星期可謂苦樂參半~






冇左師傅係身邊既日子,就係乜都要自己攪掂..........有「獲」自己揹.........

真係好掛住師傅~~

雖然跟師既時候成日俾佢鬧,但係落左更真係好驚,以前萬大事都有師傅「頂住」,但

係而家一做錯就會俾「睇機」(即係每班機的supervisor)話，又會俾其他舊人

白眼.......每一日返工我都好希望０固一日遇到多d好既睇機、同事........

Naomi講得岩：每一次返到common room，遇到自己同期就像搵到一線曙光........







甩左師既日子，每個同期都有唔開心既事發生........多係俾人鬧、俾人白眼、俾

人冷漠對待........







好多人都有喊過~~我當然都有，就係第一日落更~~

我喊唔係因為俾人話，而係自己覺得做得唔好，好多野自己仲係未攪得清楚，

又......有時都唔知幾時要做d咩~~

個一日師傅打電話黎問我做成點，我真係流住眼淚咁同佢講電話，幸好佢唔知我喊

緊，唔係佢會好擔心~~







我覺得我既壓力俾人大，係因為我師傅係出左名教到好徒弟的~~

我師姐就係一個好例子，佢好快就入左４個team~~

好多人知道我跟Cherry Po , 都會話「得啦，Cherry Po既徒弟，實掂啦~」

若果我話驚，一定有人話「唔係呀，Cherry既徒弟都驚!」

每一次唔識做都好怕有人問「師傅冇教你咖咩？」

好怕會丟師傅假~~

好怕有人會走去同師傅講，話「喂，你徒弟唔掂喎.....」






每個知我跟Cherry既同事都羨慕我，我都好慶幸遇到一個好師傅，教我好多野，師

傅雖然惡，但對我好好，每次係common room見到我都會問我「點呀今日？」，又特

登買本簿仔俾我抄更，又送張飛機毯俾我係common room訓覺既時候用~~

每次做機遇到唔識，我即刻打俾佢，就算佢做緊野都會教我，叫我「唔使驚」，然

後好詳細每個step話俾我知應該點做~~








係Jardine最開心除左有個好師傅之外，就係有一班好同學(同期).......

Patrick,Jeff,Naomi,Connie,Teresa,May,Amy,Karen,Christy,JoanneYuen,Mavis,

Vicky,Joylie，仲有我走左既好partner Carrie~~大家一係common room踫頭就會坐

埋一齊傾計，互相安慰.........








尋日撞岩幾個一齊收工好開心，去Starbucks飲野傾計~~

大家都有d後悔入左黎~~

大家都嗌辛苦！

大家都想走...........但.............一想到$6500...........唉~~~~~~

佢地知道我今個星期六去in 國泰都叫我努力~~

我同佢地講，如果in到就請大家食飯~~








其實我好矛盾，一方面緊係想in到空姐啦，但一方面又怕師傅會唔開心，Carrie

走左，如果我又走埋，真係驚佢會好upset~~








走既時候同Patrick同Naomi一齊搭E42.......

大家又一齊訴苦.......

好開心Patrick同我地講，佢既「唔開心一線」「開心二線」同「約會三線」２４小

時為我地開~~

遇到呢班同期真係好^^











今個星期六in國泰~~

希望認識我既人都會祝福我~~