2005-06-06 18:43:38JoAnnE*.*
Work day 6
今日係第一日跟我正式既師傅Cherry~~
佢真係幾惡,我今日做錯左d野,佢都有大聲話我,但就唔係鬧既.......其實佢其
他時候對我同carrie都幾好,今朝就特登拎左兩張starbucks買一送一既coupon俾我
地.........但做野個時,佢都我地都幾嚴格.........
今日係call-back OT,番得7個鐘,其實就唔係好攰,但係臨走做GURUDA大
機,我同Carrie好多野都未學,真係唔係咁識做,攪到我地有時企係度都唔知做乜
好~~d大既同Cherry講話我地呆呆地,其實我同Carrie都唔係發夢,只係唔知可以
點樣幫手,我已經自動走去幫手拎ticket俾坐抬.......可能d大既以為我地已經學
晒所有做大機既step掛.......攪到我臨走都唔係咁開心><
其實呢份工真係唔係外人諗得咁簡單,有好多野要記要背要學,只係run一部電腦,
唔同airline唔同post就會有唔同既system..........又要記晒禁區三個轉機櫃檯所
有airline既名,又要記熟晒機場所有位置.........呢d只係一小數,黎緊仲有好多
野要學.........
但我知道每份工作都有一個過渡期........我希望.......之後所有野對我黎講都係「手版眼見功夫」~~
今日放左工又同Carrie去飲Starbucks,上次飲chocolate Fracpiccino , 今次飲
rasberry Fracpiccino.........雖然我地有8折,但都係唔可以成日飲......不過
我發覺原來機場好多「祕密」既員工canteen.......整係機場staff先去得......所
以其實我地食野都幾平........但係我諗我都係帶飯食經濟d.......要慳d$.......