聽日又番9:45am，沖沖打個日記喇~~真係想將呢幾日所學所睇既點滴記下來......






星期二係機場遊，朝早同同事分３組「玩」treasure hunt，找完check point後自

動放食飯，又係大家樂.........平嘛~~~.......之後番中航聽個HR既staff講下

benefits , grooming , 公司活動之後，Julianna又pick up 我地再去機場，今次

就係我地首次揸permit入禁區visit......禁區我都去過幾次，但原來機場入面真係

好大，而且好多機關......０係屈臣氏對出見到郭羨妮......激瘦呀!!!........之

後就去左我地airside個面既common room.....個度好多人，感覺好似去左一個集中

營咁.......而且PSA見到我地呢D新丁黎就狂叫囂，唔知發生乜事><"，我地好似動

物咁俾佢地參觀.......所以佢地俾我既感覺唔係太好........行完個機場我地要番

中航度身做制服......landside個d就可以走人







星期三全日係中航上堂，教ticketing，係一門好實際既科目...........以前都唔

覺一張機票有乜野特別......原來當中蘊含好多玄機，真係唔上過堂唔知.......上

完堂就直接test，就係測番我地ticketing，即係即教即測><".......雖然係open-

book，但有d都幾tricky......我都俾佢「陰」左幾題......test完對埋Ans就走

得，passing marks係80%.......fail要補測，仲要係close-book,passing marks要

90%.........好驚呀，唔好fail,唔想測多次！！







星期四，即係今日，就係跟師傅喇，但今日跟個個唔係我地正式既師傅.....我正式

既師傅係Cherry Po , 我同Carrie一組，將會０係呢一個月幾既trainning都係跟

佢，今日佢都有黎見下我地兩個，而且佢同我地講明佢好惡，會對我地好嚴，攪到

我同carrie好驚".......但後尾聽番今日我地跟既Ivy講，Cherry係好師傅，跟佢會

學到幾多野.......咁我都開心既~~今日跟住Ivy做野見到好多野~~首先就係有對台

灣父子，坐我地既機黎香港transfer國泰番台北，但佢阿爸因為被懷疑中風，國泰

唔俾佢上機，攪到個仔勁興......後黎都係要送醫院做全身檢查......第二單係做

Garura Airline飛去耶加達既機，有個客上緊機先話唔見左部手提，就唯有陪佢跑

上去food-court搵，咁就緊係冇左咖啦......之後就立即跑番去登機......超索氣

~~~不過都幾好玩^^.......其實每日所遇既機有咁多，學Julianna話齍，真係咩客

都有.......相信日後將會遇到好多其他情況......







今日終於出左roaster........我聽日果然番下晝４點.......我既郭富城演唱會

呀........放左工有同事Vicky話同我調更........其實我唔係咁想聽日一跟Cherry

就唔番，但成４００蚊既飛.......仲要坐第四行........咁我就調喇~~~~








好彩星期六、日放假.........終於可以「抖」下喇~~~~~~