唔知係82定83既分別,定係我既童年特別「特別」,總係有d我由細就認識既野，而家同人講番就冇人或好少人識~~






蘭記辣椒蘿蔔


可以講，我細細個係阿婆屋企住就係食呢樣野大的！！

阿婆好仲意白粥送辣椒蘿蔔就咁就一餐晏............

以前細個好仲意大人食野時發出既「索索」聲，覺得好似特別好味咁

食辣椒蘿蔔就係會發出呢d「索索」聲

所以我好仲意食

而家係屋企，辣椒蘿蔔仍係「鎮家之寶」





仁丹


細個個時仁丹係我地幾表姊妹最仲意既零食

細細粒，好酸，一次要食好多粒先過癮

最仲意個載仁丹既盒，好似火柴盒，一推開得一個出仁丹既小孔.......好得意！





開心鬼系列電影


呢樣應該多d人識........

我記得我每一集都有睇過

以前既開心少女組之中，我印象有李麗珍、羅明珠、林珊珊......

我個時仲覺得李麗珍好靚女咖~~










唔......其實仲有好多野既........不過一時間諗唔起~~下次諗到再同大家分享^^