2004年9月25日 星期六

山長水遠咁返去中大，只為左上一堂唔計GPA，既非主修又非副修既，仲要唔點名既粵語精修課程。

成個hall d人都跟往個講者念a、 i、 e 、o、 u…個場面都幾荒謬。

落堂後出旺角搵書，卒之比我係舊書店執到幾本舊書…

雖然勞思光果本<中國哲學史>唔係新編版…不過算啦…$40一套兩本仲可以講咩？

總共花左$110買左六本書。我相信如果我睇得哂呢六本野，升值絕對唔止100蚊！

然後就去左土瓜環出席工聯會既慶功晚會。

無謂叫班有份出力既fd去啦…因為呢個場合真係…

野食…唔好食。

人…中人以上(年紀呀！)

氣氛…極右親中！！(註：好多人話親中係左派…其實根據左右派的定義，右派先係親政府保守派…)

我都係因為老細叫到，唔好意思唔去先過去soso…

見番班義工，佢地都好關心我…可能屋企無老人，所以覺得呢班義工幾親切。呢班老人家參與政治，完全出於愛國，唔似後生一輩為功名利祿。

佢地一把年紀，仲出錢出力為工會、為國家，可以知道佢地果個時代既人真係有好深厚既愛國情意，呢點，我相信我呢輩係好難明白！

究竟係咩令佢地咁愛國？

假設果樣野叫X，咁X宜家仲存唔存在？或者…香港有無X…

呢個問題值得諗…

散會去飛龍打機！已經好一段時間無同阿金去打機！

打完機，阿金講左個好令人羨慕+高興+小小意料之內既消息…

恭喜啦阿金！！