(今次可能會係呢個假期既最後一份"著作", 用輕鬆既心情去完成佢啦!)

總結? 嗯...

咪日日返校行行企企攞份人工, 食肥番自己(唉~), 同自己胡言亂語(係, 無錯), 訓係度+聽歌+睇d同學業無關既書(d課本就係旁邊冷清清...), 攪亂d野, 一個人周街游吓去吓圖書館上吓網搭吓巴士, 逍遙法外過住d冇王管既日晨~

仲有幾日開學, 呢個學期仲係最後機會, 心態不僅緊張, 仲好怕...今晚今非昔比, 唔開始收拾唔得, 明日後日大後日全天候準備開學, 休息兩日就全力以赴見牛頓同阿灰(兩個分別做了物理同化學教授既音樂家). 阿灰就唔驚, 係佢手下我唔會俾自己衰, 但牛頓就唔知啦, 雖然都好man, 但係係冷酷那種man法呢, 佢既眼神好利, 令我望而卻步, 我又一向怕羞 (嗯~)…..物理又一向難過化學, 仲要係學電嗰部份, 聽聞係最難喎~

雖然沒有回澳, 但都總過得去, 感受到那邊廂少少氣氛, 這就是多得各界好友給我的, 是我幸運, 我也樂於說聲多謝 (我是十分感動的)!

人胡思亂想時, 也有把事情想破的機會. 我是又把很多看透了, 人自然是老了一些.

最後, 都係咁話, 努力過, 起碼對得起自己只有一個的生命. 我此秒後話定心就唔可以再心散!

Bye~ 令我增磅既假期 (亦無需後會有期)!