【28歲就做RGA】RGA生髮效果淨係維持到2年，我咁樣先保住BB毛唔會徙錢！
香港男人十個入面有七、八個都中年甩頭髮，如果你係唔甩頭髮既幸運兒，咁我真係十分恭喜你！
講下我度出黎呢個治脫髮終極絕招之前，講下背景先，我遺傳我老豆（定我阿媽？我阿媽更年期之後其實都禿禿地），二字尾已經開始甩頭髮，一開始都無理，淨係覺得吹頭、梳頭好似甩多左，甩甩下先覺得大鑊......唔係咁快就開始甩頭髮、開始雄禿下話？
唔認唔認還需認啦！過多一個月發現髮旋真係光光地，而且髮線又好似有啲後退、有啲M字額......睇我老豆個頭我就知究竟自己最後會甩成點，但我老豆都無我咁早甩，可能而家真係關啲水事，聽講而家啲水比起之前以前係差左好多，仲有空氣污染呢......
其實我覺得脫髮原因係點都唔係好重要，我已經十成九確定係遺傳性雄禿......亦都非常認同脫髮係愈早醫愈好，呢啲野愈避、愈唔理就愈難醫！
我係一的起心肝要做，一係唔做，一做就做到盡要有成果睇到個種人！
所以我好早就去試左最貴最貴，生髮界既終極方法：RGA生髮
RGA生髮前前後後唔講，有做過功課既都明，而且相信有唔少師兄已經做過，但個個價錢都唔一樣，所以其實上網問價都無咩用，而我係呢邊唔透露究竟做左邊間啦，不過其實無論規模、環境配套同醫生姑娘個啲都有返咁上下，絕對唔係無牌下三流既公司，而且我都好滿意佢地既服務，覺得好細心好專業......
不過佢地都講左啦，RGA係會有效果睇到，但唔係個個人都會有好好既效果，最後都係睇返你個年紀啦、睇返你個脫髮症狀勁唔勁、睇下你個遺傳性雄禿遺傳成點、睇下毛囊仲有無活力囉......所以真心，無論你想做咩去救髮，最好都係趁早做！你唔捨得錢多啲定係頭髮！？（有啲人唔捨得錢，其實我都明，大拿拿五萬幾）
醫生都話佢做咁多個RGA生髮之中，我都算後生，可以比多啲期望，因為毛囊應該仲有活力架！佢睇左一睇我個脫髮範圍，就好似抽左6-8粒肉仔，整左兩支RGA生髮因子精華出黎，然後就係比較禿既地方（髮旋位置同M字額兩邊仲有兩邊耳仔上面）桔針注射。
我算好彩同算快，做完RGA之後兩、三個月度見到少少效果，禿左既地方有返少少BB毛，但個啲BB毛一直都無生得好長......有時仲會甩出黎。因為RGA真係一啲都唔平，所以我都非常珍惜啲BB毛！做左RGA之後先有既BB毛！
為左唔徒左個RGA，我咩都試過曬，香港有既、外國代購既生髮產品，通常都係咩生髮補充品、生髮精華個啲啦下，但最後都唔係太有用，係，係覺得個頭皮乾淨左、無之前出咁多油咁痕或者咁多頭皮，之前偶爾會生既頭瘡都無曬（因為未有脫髮問題之前我會gel頭），但係只要唔覺意用精華用得重手左，就會乾到喊，全日都勁乾好似一滴油都無咁，反而會有頭皮......而且一比地鐵同巴士啲開到好勁既冷風一吹，哇痕到呢，我又唔敢去搲，驚搲搲下連個幾條毛都無埋，淨係想快啲返屋企洗頭，用返啲補濕既洗頭水......
但都止步於此，你話我買咁多生髮產品有無止脫同生髮功效？sor係無既！要甩既都照甩，好似頭皮乾淨左好左，但完全唔關頭髮事咁，頭髮愈生愈少、連RGA比我既頭髮都會甩！
Q：有好多人問我點解唔食保記、唔用倍健？
A：係！好多人話我呢半年點解要曬咁多錢去做無功，直接去食保記用倍健啦！首先多謝關心，保記我唔會咁早考慮（因為我老豆食左佢覺得......力不從心，所以等我生左一仔一女之後先食啦），倍健我就不嬲用緊，不過好似大家咁講，用既時候係會令頭髮無甩得咁快，但對生髮係真係無咩幫助囉......
一開始就用左終極生髮方法，有好、有唔好。
其實我二十尾用呢筆錢去做RGA，基本都算我為自己做過最好最貴既事啦？（我本身諗住儲錢買車架），我做RGA之後效果好似比其他師兄好少少，但亦都同其他師兄一樣，脫髮問題其實只會隨著年紀愈黎愈嚴重，因為細胞活力愈黎愈差、愈黎愈少......
我睇人地話RGA最多維持兩年貨仔？所以呢兩年我除左生髮精華之外，我都有入手比較貴既生髮帽，務求唔好白費RGA洗左既錢......
其實生髮精華除左控油同唔再生頭瘡之外無咩用，我成日都好鬼懶得用，但反而呢，生髮帽work喎！因為生髮帽只係需要充電同戴上個頭度十幾分鐘，所以我一諗起就會用一用......
絕對唔係心理作用，因為我有好仔細觀察個兩個星期用、同兩星期唔用既分別，用左生髮帽之後唔係話會大爆髮，但真係feel到梳頭既時候大力啲頭髮都唔會甩，洗頭之後啲頭髮都無甩得咁勁（其實我已經盡量施無可施先去洗頭，好彩本身頭油唔係好勁），真係覺得可以扯脫......
為左保住RGA比我個層薄薄地既頭髮，我由本身雞雞地幾舊水既生髮帽，升級去四千幾既生髮帽，而效果又真係好左喎......之後我就上網搵低能量生髮激光療程，Perfect Men有個叫F8既，廣告賣到痴線，肯定各位師兄弟都聽過......本身我對呢個療程係非不屑既，覺得根本就係搶錢！點會喺個頭度噴啲生髮精華、照下燈就有料到？但我上網睇左，其實呢個所謂「低能量生物激光」係有FDA認證，算係除左保記、倍健之外既有效生髮方法......唔怪得可以保持我RGA生出黎既頭髮！
我其實一共淨係大概諗左兩日就上去試左Perfect Men個F8，望都無望佢地其他療程或者生髮產品一眼，同其他人講既一樣啦，都係又將你頭皮放大200倍去睇頭皮健康情況囉，因為我做過RGA生髮，所以頭皮同毛囊情況其實都唔差，至少唔會有好明顯既頭肉露出黎，雖然頭髮都係疏......之後好快就入房做機，做機就係照燈，紅光就係低能量生物激光，同我用既生髮帽一樣，不過個級數當然唔係一樣，做F8呢個療程係勁好多既！
最後我試完之後雖然無咩感覺（其實用生髮帽都無感覺架）如果唔係你期待啲咩？頭髮同頭皮好似著火咁㷫？塊面打激光就會咁，頭皮就唔會，因為用既講明係「低能量」生物激光。
快快趣趣做完我就閃，驚比人留住Hardsell，好彩糾纏左大概5、6分鐘最後都係順利走左，返去觀察左大概一星期，覺得止脫效果好似比日日用生髮帽更好（為左知道有無用，我好勇敢好犧牲咁左成星期時間無用生髮帽，超大犧牲！）於是我就決定雙線並行！
我最終買左30次F8療程，再加埋倍健，再加埋日日用生髮帽。F8就大概一星期上去Perfect Men 做一次——呢個就係我既必勝法，完全唔靠食保記！
其實患左遺傳性雄禿既各位，我唔講大家都明啦，想有返以前十幾二十歲既髮量，無可能，最好係做到止脫、保住而家有既頭髮已經好好！對於做過RGA、無做過RGA既巴打黎講，我覺得用倍健加低能量生髮激光(密用、唔密用其實都等於無用)已經係最work方案，歡迎討論交流、集思廣益！
而生髮帽我用：醫學級激光增髮儀 LaserBand 82